Վ. Բրյուսովի անվան համալսարանի շուրջ կրքերը շարունակում են լարված մնալ: Վ. Բրյուսովի անվան համալսարանի ռեկտորի պարտականությունները ժամանակավորապես կատարող Ցոլակ Ակոբյանը «Ազատություն» ռ/կ-ին ասել էր, որ հարկադիր կատարողները համալսարան են գնացել ռեկտորի՝ պարտված թեկնածու Լեզվի կոմիտեի նախագահ Դավիթ Գյուրջինյանի դիմումի հիման վրա։ Գյուրջինյանը դատարան է դիմել ու պահանջել անվավեր ճանաչել ռեկտորի ընտրությունների արձանագրությունը։ Ըստ Դավիթ Գյուրջինյանի բողոքի՝ խորհուրդը պատշաճ չի կատարել պարտականությունները՝ թույլ տալով գործընթացի կոպիտ խախտումներ:
Aravot.am-ը թեմայի վերաբերյալ մեկնաբանություն խնդրեց պարոն Գյուրջինյանից, սակայն նրա հրաժարվեց մեկնաբանություն անելուց: Ընդամենը նշեց, որ ամեն ինչ ասված է, եւ ավելացնելու նոր բան չկա:
Հիշեցնենք, որ դեկտեմբերի 9-ին Վ. Բրյուսովի անվան պետական համալսարանում տեղի ունեցած ընտրություններում բուհի գործող ռեկտոր Կարինե Հարությունյանը վերընտրվել էր ռեկտորի պաշտոնում՝ ձայների 12 – 8 հարաբերակցությամբ։
Գոհար ՀԱԿՈԲՅԱՆ
Շատ կարևոր հանգամանք է հաշվի առնել որ Կարինե Հարությունյանը ԿԳ ԾԻԳ-ի տնօրեն եղած ժամանակ բազմաթիվ անգամներ խնդիրներ է ունեցել կոռուպցիայի հետ կապված ու միշտ ջրից չոր է դուրս եկել։ Հիմա պետք է մի հատ շատ մանրակրկիտ աուդիտ անել ու հաստատ բազմաթիվ չարաշահումներ ջրի երես դուրս կգան։