Լրահոս
Օրվա լրահոսը

Զորավարժություններին Հայաստանի չմասնակցելը դժվարություններ է ստեղծում ՀԱՊԿ-ի համար. Զախարովա

Հունվար 12,2023 16:37 Share
Աջակցեք aravot.am-ին

ՀԱՊԿ զորավարժություններին Հայաստանի չմասնակցելը որոշակի դժվարություններ է ստեղծում կազմակերպության համար: Այս մասին հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան այսօր տեղի ունեցած ճեպազրույցում:

«Կցանկանայի հիշեցնել, որ անցյալ տարի էլ Հայաստանի պաշտպանության նախարարությունը չի հատկացրել ռազմական զորամիավորում Ղազախստանում ՀԱՊԿ համատեղ զորավարժություններին մասնակցության համար: Դա անկասկած, որոշակի դժվարություններ է ստեղծում դաշնակիցների համար՝ ստիպելով դադարեցնել ռազմական գերատեսչությունների գծով արդեն համաձայնեցված ծրագրերը»,- ասել է նա:

Զախարովան նաև նշել է, որ այդ որոշումը կայացնելիս Հայաստանը, բնականաբար ելնում է առաջնահերթ խնդիրներից, որոնք կանգնած են իր ռազմական ուժերի առջև: «Ենթադրում ենք, որ արդյունքում օպտիմալ լուծում կգտնվի՝ այս տարի ՀԱՊԿ խաղաղապահների արդյունավետ պատրաստության համար»,- ասել է Զախարովան:

Պատրաստեց Վիկտորյա ԱՆԴՐԵԱՍՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Մեկնաբանություններն անջատված է: