Եվրամիությունում Ռուսաստանի մշտական ներկայացուցչի պաշտոնակատար Կիրիլ Լոգվինովը «ՌԻԱ Նովոստիի» հետ հարցազրույցում ասել է, որ Բրյուսելը փորձում է օգտվել հայ-ադրբեջանական կարգավորման գործընթացում Ռուսաստանի միջնորդությամբ ձեռք բերված արդյունքներից և ամրապնդվել հետխորհրդային տարածությունում:
«Ինչ վերաբերում է Հայաստանում ԵՄ-ական առաքելությանը, դա ոչ այլ ինչ է, քան Բրյուսելի կողմից փորձ՝ օգտվելով հայ-ադրբեջանական կարգավորման գործընթացում Ռուսաստանի միջնորդությամբ ձեռք բերված արդյունքներից՝ ամրապնդվել հետխորհրդային տարածությունում՝ խաղալով ինչ-որ «միջնորդի» դեր: Անկասկած, այստեղ կա նաև զգալի հակառուսական բաղադրիչ՝ որպես անվտանգության երաշխավոր մեր երկրի պատմական դերը չեզոքացնելու փորձ: Ըստ ամենայնի՝ նման «բարի մտադրություններով» է առաջնորդվում Եվրամիությունը նաև Մոլդովայում, որտեղ, ըստ տեղեկությունների, Բրյուսելը պատրաստվում է տեղակայել իր քաղաքացիական առաքելությունը նույնպես»,- ասել է Լոգվինովը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
