Վերջերս վարչապետ Նիկոլ Փաշինյանը հայտարարել էր, թե 2020թ․-ի պատերազմը պարտվել ենք, որովհետեւ բանակում գործել է «5-րդ շարասյուն»։ Կառավարություն-ԱԺ հարցուպատասխանի ժամանակ այսօր ՔՊ խմբակցության պատգամավոր Անդրանիկ Քոչարյանը հետաքրքրվեց՝ դա զգացողությո՞ւն էր, թե՞ փաստերի հիման վրա հայտարարություն։
Նիկոլ Փաշինյանը նախ նշեց, որ օրերս մի քրեական գործի մասին ռեպորտաժ է տեսել․ «Դա այն մասին է, որ ադրբեջանական կողմը գրոհել է եւ բարձունք գրավել, իսկ հայկական կողմը հակագրոհ է արել եւ հետ վերցրել բարձունքը։ Քրեական գործով մեղադրվող բարձրաստիճան զինվորականը մեղադրվում է նրանում, որ անցել է իր լիազորություններն ու ասել՝ հետ իջեք այդ գրաված բարձունքից, թողեք այն․․․ Ու սա չի խնդիրը, այլ այն, որ ցանկացած գործողություն պետք է բացատրություն, պատճառ ունենա․․․ Այսինքն, բարձունքը հետ է գրավվել, բայց նա հրամայել է, թե թողեք բարձունքը․․․ Չկա բացատրություն, թե ինչու է հետ հանձնվում»։
Փաշինյանն ասաց, որ իր տեղեկություններով՝ էլի կան նման իրավիճակներ, որոնք կարող են ռեպորտաժների թեմա դառնալ․ «Երբ բարձրաստիճան զինվորականը զորքի մեջ խուճապ է տարածել, հանձնարարել է ենթակային, որ զորքի մեջ խուճապ լինի, որ բոլորը դիրքերը թողեն-գնան։ Կամ պայմաններ է ապահովել, որ հակառակորդն առանց որեւէ բարդության տարածքներ գրավի։ Հետո ընդունում է մեղքը։ Բայց ինչի՞ ես դա արել»։
Փաշինյանի խոսքով՝ իր անձնական բացատրությունն այս ամենին հետեւյալն է․ «Կարո՞ղ է ուրիշ երկրի գործակալներ են այդ մարդիկ։ Կարո՞ղ է հավաքագրվել են։ Կամ վերեւից հրաման պետք է ստացած լինեն, եւ ես նման հրաման չեմ տվել, հետեւաբար՝ ուրիշ տեղից կա հրաման։ Այլապես կասեր՝ վարչապետը հրամայել է, ես էլ կատարել եմ։ Բայց չկա»։
Կարդացեք նաև
Փաշինյանը նաեւ կարծիք հայտնեց, որ 44-օրյա պատերազմի թիրախը ոչ թե ԼՂ-ն է եղել, այլ ՀՀ-ն եւ իր ինքնիշխանությունը։
Երեկվա ադրբեջանական սադրանքին անդրադառնալով՝ Նիկոլ Փաշինյանը «5-րդ շարասյուն» որակեց այն գործողությունները, որոնցում հնչում էր «իշխանությունն անհապաղ պետք է հրաժարական տա» պնդումը։
Լուիզա ՍՈՒՔԻԱՍՅԱՆ
Դեմագոգիան փթթումա:
Ուրեմն ինքը պատվերա տալիս իր նախկին օգնականին քրեական գորշեր հարուցել գեներալների վրա, Հ1-ին ռեպորտաժներա պատվիրում էտ թեմայով:
Հետո թե բա Հ1-ով տեսա:
Այսինքն երկրի ղեկավարը որ պոտենցիալ մեղադրյալա պատերազմում պարտության համար, մի ուրիշ պոտնենցիալ մեղադրյալի Քյարամյանի հիմնարկի միջոցով Միքայել Արզումանյանին կալանավորումա:
Հետո սկսումա կնոջ պես գեներալի հետևից բամբասել: Օգտվելով նրանից որ գեներալը 6ամիսա կալանավորվելա ու չի կարա հակադարձի:
Երկրի ղեկավարը մնացելա դեղին մամուլի լրագրող: Դրա համար էլ երկիրը էս օրինա:
Մի բանա փոխվել, որ հիմա նաև “հույժ գաղտնի” ինֆորմացիայի հասանելիություն ունի: Ու հղումա անում ոչ թե օդից կախված լուրերի այլ գաղտնի փաստաթղթերի: