Վերջին երկու տարիների ընթացքում, միասնական սոցիալական ծառայության ստեղծումից հետո, միայն վարչարարության արդյունքում շուրջ 15 հազար ընտանիք դուրս է եկել անապահովության համակարգից: Այս մասին կառավարության այսօրվա նիստում հայտարարեց Աշխատանքի և սոցիալական հարցերի նախարար Նարեկ Մկրտչյանը:
«Նոր համակարգ է մշակվում և առաջիկայում կներկայացվի քննարկման: Այդ համատեքստում աշխատանք է առաջարկվելու բոլոր աշխատունակ մարդկանց, և նրանք դիտարկվելու են որպես պոտենցիալ արժեք ստեղծող մարդիկ: Նրանց թիվը քիչ չէ: Շուրջ 40 հազար մարդ, ըստ էության, աշխատունակ տարիքում է, աշխատունակ է և կարող է աշխատել՝ դուրս գալով այդ համակարգից»,- ասաց նախարարը, ապա հավելեց,- «ԱԶԲ-ի հետ համագործակցությամբ փորձարկում ենք արհեստական բանականությամբ այդ նպաստի համակարգի գործարկումը: Եվ այն քիչ երկրներից ենք, որտեղ արդեն այդ գործիքի փորձարկումը կա: Հուսով ենք՝ առաջիկայում՝ այդ համակարգը ներկայացնելուց հետո, ամբողջությամբ չէ, բայց քայլ առ քայլ կանցնենք նոր համակարգի»:
Նախարարի խոսքը կարծես թե վստահություն չներշնչեց Նիկոլ Փաշինյանին, քանի որ մարզային հանդիպումներում նա հասկացել է, որ ձեռնարկություններն իրենց խնդիրը լուծելու համար զբաղվածության կենտրոնները չեն համարում հուսալի պլատֆորմ:
Մանրամասները՝ տեսանյութում
Կարդացեք նաև
Լուսինե ՄԱՐԳԱՐՅԱՆ
