«Ցանկացած գործողություն, որը կսպառնա ՀՀ տարածքային ամբողջականությանը, հստակ և կոշտ արձագանքի կարժանանա»,-Երևանում կայացած ՀՀ ԱԳ նախարար Արարատ Միրզոյանի հետ համատեղ մամուլի ասուլիսի ժամանակ վստահեցրեց Ֆրանսիայի Հանրապետության Եվրոպայի և արտաքին գործերի նախարար Կատրին Կոլոննան:
Նա հուսով է՝ կարող են այս հարցով հույս դնել նաև իրենց մյուս գործընկերների վրա՝ մասնավորապես նկատի ունենալով ԱՄՆ-ին։
Ֆրանսիացի լրագրողները Կատրին Կոլոննային հիշեցրին՝ նշել է, թե Բաքվի հարձակումը ԼՂ-ի դեմ տեղի է ունեցել Մոսկվայի մեղսակից հայացքի ներքո և հարցրին՝ ո՞րն է ՌԴ-ի պատասխանատվությունը, արդյոք ՌԴ-ն պե՞տք է դատապարտվի և եթե այո՝ ինչպե՞ս։ Ֆրանսիայի ԱԳ նախարարը պատասխանեց․ «Իսկապես մենք այդպես ենք արտահայտվել և կարծում ենք, որ ՌԴ-ն չի հարգել իր պարտավորությունը 2020-ին կնքված համաձայնության շրջանակներում։ ՌԴ-ն պիտի ապահովեր, որ հնարավոր լիներ քաղաքական լուծում ստանալ և լուծել առկախված հարցերը ՀՀ-ի և Ադրբեջանի միջև։ Դա իր պարտավորությունն էր, որը նա չի կատարել»։
Կատրին Կոլոննան ասաց, որ երեկ Ուկրաինայում հանդիպել են 27 ԱԳ նախարարներ․ «Առիթ ենք ունեցել խոսել նաև ՀՀ-ի մասին։ Այն ողջ իրադարձությունները, որ տեղի ունեցան ԼՂ-ում, մի շարք մեր գործընկերների դրդում է փոխել իրենց տեսլականն այն հարցի շուրջ, թե ինչ է տեղի ունենում ավելի լայն Կովկասում։ Դա գուցե թույլ կտա մոտենալ եվրոպական այն միասնությանը, որ ավելի բազմաքանակ լինենք ՀՀ կողքին և աջակցենք ՀՀ-ին, որ նա կարողանա գտնել արդար ու կայուն, երկարատև լուծում, որը հնարավորություն կտա բոլոր առկախված հարցերը Ադրբեջանի հետ կարգավորել»։
Կարդացեք նաև
Տաթև ՀԱՐՈՒԹՅՈՒՆՅԱՆ
