Արթիկի «Քաղաքացիական պայմանագիր» կուսակցության թեկնածու Անանիկ Ոսկանյանը լրագրողների հետ զրույցում վստահեցրեց, որ Արթիկում ճնշումներ, լարվածություն ու վախի մթնոլորտ չկա, այս մասին իր մրցակիցների հայտարարությունները հիմնազուրկ են։
«Քարոզարշավը ցույց տվեց, որ մեր մրցակիցներն առհասարակ շանս չունեն, մարդիկ, մեր կատարած աշխատանքը գնահատելով, գալու են մեզ ընտրեն, մեր աշխատանքի գնահատականը տալու են։ Ես լիահույս եմ, որ ճնշող մեծամասնությունը ընտրելու է «Քաղաքացիական պայմանագրին», -ասաց համայնքապետի թեկնածուն։
Դիտարկմանը՝ եթե մրցակից երեք ընդդիմադիր ուժերը միանան ու կոալիցիա ձևավորեն, իր գլխավորած ուժը պատրա՞ստ է արդյոք որպես ընդդիմություն հանդես գալու Արթիկում, Անանիկ Ոսկանյանը պատասխանեց․ «Նախ ես պատրաստ եմ լինել էս երկրի տղեն, ես էս երկրի մարդն եմ, երկրի ցավացողն եմ, երկրի դարդ ու ցավով հետաքրքրված եմ, էսօր էլ ես լիահույս եմ, որ ես բացարձակ մեծամասնություն եմ ունենալու։ Ես մեր ժողովրդին ճանաչում եմ,ես գիտեմ, որ իր վստահության քվեն տալու են մեզ»։
Կարդացեք նաև
Նունե ԱՐԵՎՇԱՏՅԱՆ
