«Եվ եկավ Հովհաննեսը» ֆիլմն այլևս իրականություն է։ Նախագծի հեղինակը և պրոդյուսերը Լիլիթ Մովսիսյանն է։ Վերջինս հայտնում է` ստեղծագործական բուռն ընթացքից հետո ՀՀ ազգային հերոս, դիրիժոր Հովհաննես Չեքիջյանին նվիրված վավերգրական ֆիլմի պրեմիերան կկայանա նոյեմբերի 26-ին, Կինոյի տան մեծ դահլիճում։
-Ֆիլմի նպատակն է համապարփակ տեղեկություններ ներկայացնել Հովհաննես Չեքիջյանի կյանքի ու գործունեության մասին՝ մեկ անգամ ևս արժևորելով նրա վաստակը հայրենիքի մշակութային հզորացման գործում,-ասում է Լիլիթ Մովսիսյանը` հավելելով, որ փորձել են այնպես կառուցել ֆիլմը, որ լինի թեթև, մտերմիկ, հետաքրքիր։
-Մեծ պատասխանատվությամբ եմ մոտեցել աշխատանքին։ Սա իմ առաջին ֆիլմ-նախագիծն է և միաժամանակ հանդես եմ գալիս նախագծի հեղինակ, սցենարիստ և պրոդյուսեր։ Շնորհակալ եմ մաեստրոյին վստահության համար։ Հիմա պրեմիերայի նախապատրաստական աշխատանքներն են ընթանում և անհամբերությամբ մեր թիմը սպասում է այդ օրվան,-հավելեց Լիլիթ Մովսիսյանը։
Կարդացեք նաև
Վ. ԱՐԶՈՒՄԱՆՅԱՆ