Aravot.am-ի տեղեկություններով, Սուրբ ծննդյան օրը՝ հունվարի 6-ին, Շիրակի մարզի Առափի բնակավայրում հսկողություն իրականացնող պարեկները ստուգում կատարելու նպատակով կանգնեցրել են «Օպել» մակնիշի մեքենա, որի վարորդը՝ Առափիի բնակիչ Մ․Ս․-ն, մեքենայից դուրս գալուն պես՝ ձեռքից նետել է ապակյա կաթուցիչ և պոլիէթիլենային տոպրակով սպիտակ գույնի զանգված։
Վարորդին և ուղևորներին, որոնցից երկուսը՝ Ա․Պ․-ն և Վ․Տ․-ն ՌԴ քաղաքացիներ են, ՌԴ Պաշտպանության նախարարության զինծառայողներ, իսկ երրորդը՝ ևս Առափիի բնակիչ է՝ Ա․Հ․-ն է, ձերբակալել և տարել են Ախուրյանի ոստիկանություն։
Ավտոմեքենան հսկողության է վերցվել պարեկային ծառայության կողմից։
Ոստիկանության Ախուրյանի բաժնում կատարված խուզարկությունների ժամանակ մեքենայի հայ ուղևորի՝ Ա․Հ-ի բաճկոնի աջ գրպանից հայտնաբերվել է ծալովի դանակ, իսկ ռուս զինծառայողներից մեկի՝ Վ.Տ․-ի ձեռքի պայուսակից հայտնաբերվել է գրիչի կափարիչ՝ պատերին կպած սպիտակ փոշենման զանգվածով:
Կարդացեք նաև
Այս անձինք, ինչպես նաև կազմված փաստաթղթերը և փաթեթները ներկայացվել են ԶՔԳՎ 10-րդ կայազորային քննչական բաժին:
Նշենք, որ առափեցի երկու տղամարդիկ էլ չեն աշխատում, հարևաններ են։
Իսկ թե որ համարձակ պարեկներ են հայտնաբերել նրանց ու ձերբակալել, թերևս արժե հրապարակել նրանց անունները․ ՀՀ ոստիկանության պարեկային ծառայության Շիրակի մարզի գումարտակի 1-ին վաշտի 4-րդ դասակի պարեկ, ոստիկանության լեյտենանտ Պողոսյանն է եղել՝ կրտսեր պարեկ Ա.Քոտանջյանի հետ։
Լուսանկարը՝ Hetq.am-ի