«Ելույթս թիրախին խփել է, տեղ է հասել, ջղաձգումները եւ sms հաղորդագրությունները ստացված են եղել եւ Ալեն Սիմոնյանը հանձնարարական էր ստացել»,- այսօր ԱԺ նիստում կառավարության կատարողականի ներկայացման ժամանակ պատասխանելով Ալեն Սիմոնյանին՝ ասաց «Պատիվ ունեմ» խմբակցության պատգամավոր Աննա Մկրտչյանը:
Նա ասաց. «Ինչ համար նորություն չէ, որ Սերժ Սարգսյանից մեկ իշխանազավթները, մեկ էլ թուրքերն են նույն զգացողությունների մեջ ընկնում: Բա ո՞նց կարող է չընկնեք, 42 հազար քկմ հայրենիք էր պահել, որը 6 տարի է ծախում եք, հանձնում եք, հլը չի վերջանում: Սերժ Սարգսյանն այնպիսի վիճակում էր դրել Ալիեւին, որ փակ դռների հետեւում ասում էր, որ այլեւս հնարավորություն չունի որեւէ կերպ Արցախի ժողովրդի ինքնորոշման իրավունքը չճանաչելու: Դուք չեք կարող հաշտ լինել Սերժ Սարգսյանի Հայաստանի հետ, որովհետեւ ձեզ այստեղ իշխանության են բերել՝ այդ Հայաստանը մանր-մանր կտրտելու ու հանձնելու համար: Ալեն Սիմոնյանն այսօր կարողացավ ապահովել, որ իր ընտանիքից էլ ոչ մեկը չկալանավորվի, շնորհակալություն էլ հայտնեց»:
Նա դիմեց վարչապետ Փաշինյանին՝ ասելով. «Էլ հարսին չկալանավորեք, խնդրում եմ, ում ուզում եք ստեղից կալանավորեք, մենակ Ալեն Սիմոնյանի ընտանիքից ոչ մեկին չկալանավորեք: Ինքը հիանալի կարողացավ էսօր ցույց տալ, որ ձեզանից չի թռնելու, որ երբեք ձեզ չի խաբելու, ինչ հրահանգ տաք՝ կատարելու է, ես խնդրում եմ, որ դուք դա ամեն դեպքում գնահատեք:
Այլ հարց է, որ ԱԺ նախագահի աթոռն իրապես շատ ծանր է, որովհետեւ կարելի է ԱԺ նախագահ լինել լավ, կիսալավ, բայց գոնե պետականաքանդության մեջ մասնակցության այդ խմբակի մեջ փայաբաժին չեն ունեցել: Բայց իրենը ամենածանրն է: Ալեն Սիմոնյանն ունեցել է հիանալի ճանապարհ եւ ինչպես ընդունված է ասել, միայն վնգստացող դատավորներն են, որ կարողացել են ապահովել Ալեն Սիմոնյանի պատվի եւ արժանապատվության գոյությունը»:
Կարդացեք նաև
Հռիփսիմե ՋԵԲԵՋՅԱՆ
