«Հետք». «Հայաստանի պետական հետաքրքրությունների ֆոնդ» ՓԲԸ-ի (առավել հայտնի է որպես ԱՆԻՖ) նախկին գործադիր տնօրեն Դավիթ Փափազյանը դատի է տվել ընկերության տնօրենների խորհրդին:
ԱՆԻՖ-ի 100 % բաժնետոմսերը պատկանում են պետությանը: Բաժնետոմսերի կառավարումը 2019-2021 թթ. հանձնված էր Էկոնոմիկայի նախարարությանը (նախկինում՝ Տնտեսական զարգացման եւ ներդրումների նախարարություն), 2021-ին այդ լիազորությունը հանձնվեց վարչապետի աշխատակազմին, իսկ 2023-ի մայիսին հերթական փոփոխությունը եղավ, եւ ԱՆԻՖ-ը նորից անցավ Էկոնոմիկայի նախարարության վերահսկողության տակ: Երեկ էլ Կառավարությունը որոշեց բաժնետոմսերի կառավարումը հանձնել ՏԿԵՆ-ին ենթակա Պետգույքի կառավարման կոմիտեին:
Դեկտեմբերի 22-ին ԱՆԻՖ-ի տնօրենների խորհուրդը նոր նախագահ էր ընտրել Անի Իսպիրյանին: Եվ ահա Իսպիրյանի ղեկավարած խորհրդի կամ ավելի ճիշտ՝ երեք նոր անդամների առաջին քայլերից մեկը եղավ 2024 թ. հունվարի 5-ին ԱՆԻՖ-ի գործադիր տնօրեն Դավիթ Փափազյանի լիազորությունների դադարեցումը, ժամանակավոր պաշտոնակատար նշանակվեց ֆոնդի աշխատակից Տիգրան Ղազարյանը:
Եվ ահա, ինչպես տեղեկանում ենք datalex.am տեղեկատվական համակարգից, Դ. Փափազյանը մարտի 5-ին դիմել է Երեւանի քաղաքացիական դատարան՝ խնդրելով իր լիազորությունները վաղաժամկետ դադարեցնելու մասով անվավեր ճանաչել ԱՆԻՖ-ի տնօրենների խորհրդի հունվարի 5-ի նիստի արձանագրությունը: Մարտի 18-ին հայցադիմումն ընդունվել է դատավոր Թաթուլ Ղուկասյանի վարույթ: Նիստի օրվա մասին տեղեկություններ datalex.am-ում այս պահին չկան:
Կարդացեք նաև
Ամբողջ հարցն այն է, որ եթե Դավիթ Փափազյանի նպատակը նախկին պաշտոնում վերականգնվելն է, ապա Կառավարության երեկվա որոշման հիմնավորումից հայտնի է դարձել, որ ԱՆԻՖ-ը փակվելու է:
Վահե ՍԱՐՈՒԽԱՆՅԱՆ
Նյութն ամբողջությամբ՝ սկզբնաղբյուր կայքում: