«Քննարկում ենք, ժամկետների հարցում հաշվի առեք, որ ամբողջ ադմինիստրացիա է փոխվել»,-լրագրողների հիշեցմանը՝ ԱՄՆ-ի հետ պայմանավորվածություն կար, որ պետք է սահմանային հարցերով ամերիկյան խումբ այցելեր ՀՀ և հարցին՝ ինչո՞ւ մինչև այժմ այդ խումբը չի եկել, քանի որ նշվում էր, որ առաջիկա շաբաթների ընթացքում կայցելեն, մինչդեռ ամիսը լրացավ, այսպես պատասխանեց ՀՀ ԱԳ փոխնախարար Պարույր Հովհաննիսյանը։
Լրագրողները հետաքրքրվեցին՝ հնարավո՞ր է չեղարկվել են պայմանավորվածությունները, Պարույր Հովհաննիսյանը պատասխանեց․ «Պայմանավորվածություններն ամենևին չեն չեղարկվել։ Հաշվի առեք, որ ամբողջ ադմինիստրացիան է փոխվել»։
Պարույր Հովհաննիսյանը վստահեցրեց՝ կա նաև Իրանի հետ համաձայնություն բոլոր հարցերով։ Ամեն ինչ իր հունով ընթանում է։
Տաթև ՀԱՐՈՒԹՅՈՒՆՅԱՆ
