«Նիկոլը նույն սխեմայով կործանել է Արցախը, ասում էր ընդամենը մի փոքր նշաձող պետք է իջեցնեմ, ու հիմա էլ Հայաստանի Սահմանադրության վերաբերյալ ասում է՝ պիտի իջեցնի նշաձողը: Նշանակում է իր տերերը՝ թուրքերն ու ադրբեջանցիներն իրեն հանձնարարել են, որ չպետք է լինի նաեւ Հայաստանի Հանրապետությունը»,- ՀՀԿ-ի համագումարից առաջ լրագրողների հարցերին պատասխանելիս ասաց ԱԺ «Պատիվ ունեմ» խմբակցության պատգամավոր, Հայաստանի հանրապետական կուսակցության անդամ Աննա Մկրտչյանը:
Աննա Մկրտչյանն ասաց, որ ՀՀԿ-ն բազմիցս հայտարարել է, որ խնդիր չունի իշխանության գալու, իշխանությունում աթոռներ զբաղեցնելու եւ Փաշինյանի հետ ձեւական ընտրական պրոցեսների մասնակցելու ցանկություն չունի. «2018-ից աննահանջ պայքարում ենք այս դավաճանների եւ իշխանազավթների դեմ»:
ՀՀԿ խորհրդի անդամ Վահե Մովսիսյանն էլ ասաց, որ Նիկոլ Փաշինյանի նախընտրական ծրագիրը վերցված է Թուրքիայից եւ Ադրբեջանից: Նրա խոսքով. «2018-ից ի վեր Նիկոլ Փաշինյանը ծառայում է թուրք-ադրբեջանական տանդեմին, ծրագրերը տալիս են այնտեղից՝ հաշվի առնելով նաեւ այն քարոզարշավները, որ նա արել է նախորդ երկու անգամները: ՔՊ-ի լոգոն եւ «Ասեք, կանենք»-ը վերցված է թուրքական նախընտրական ծրագրից: Այսինքն՝ Նիկոլ Փաշինյանը չի թաքցնում, որ ծառայում է Ալիեւին ու Էրդողանին»:
Կարդացեք նաև
Գոհար ՀԱԿՈԲՅԱՆ
