«Շատ կարևոր ժամանակաշրջան ենք ապրում։ Ինչպես նշել էի, Իրան-ԱՄՆ բանակցությունների սրացած ռազմական գործողությունների փուլում, ԱՄՆ-ը կգնա որոշակի զինադադարի հայտարարարման։ Եվ մենք տեսանք, որ ԱՄՆ-ը ցայտնոտի մեջ ինչ-որ ձևերով փորձում է իր երեսը փրկելու համար արդարացումներ գտնել ռազմական առճակատումից գոնե ժամանակավորապես դուրս գալու համար։ Իրանը ասիմետրիկ պատերազմ վարելու ռազմավարությամբ բերեց, հասցրեց այն վիճակին, որ տարածաշրջանի երկրները հասկացան, որ իրենց արկածախնդրությունը ոչ մի հաջողություն չի բերելու, այլ բումերանգի պես խփում է իրենց՝ դնելով շատ ավելի խոցելի վիճակի մեջ։ Նաև սկսեց հարվածել նավթագազային ռեսուրսների ամբողջ շուկային, որտեղից սնվում են հենց արաբական աշխարհի ղեկավարները, այսօր նաև Միացյալ Նահանգները»,- ասաց ՀՀ արտակարգ և լիազոր դեսպան Ձյունիկ Աղաջանյանը «Հայելի» ակումբում։
Անդրադառնալով այսօր ստեղծված հեղհեղուկ հրադադարի և ԱՄՆ-ում միջանկյալ ընտրություններից հետո, եթե Թրամփի կառավարությունը կարողանա պահպանել դիրքերը, մեր տարածաշրջանում սպասվող հնարավոր զարգացումների և Հայաստանի վրա դրանց ազդեցության հեռանկարի մասին՝ տիկին Աղաջանյանը նշեց, որ հնարավոր է Իրանի վրա ցամաքային հարձակում, իսկ ցամաքային հարձակման պարագայում մեզ համար TRIPP ողբերգական ծրագիրը փորձ է արվելու իրականություն դարձնել։
«Եթե TRIPP-ը գործարկվի այս իշխանության ձեռամբ և այս իշխանության քաղաքականությանը համահունչ, ապա մենք կորցնելու ենք մեր պետությունը, մեր պետությունը դառնալու է թիրախ ռազմական գործողությունների համար։ Այսինքն՝ միանշանակ ոտատակ է գնալու։ Նվազագույնը՝ կորցնելու ենք Սյունիքն ամբողջովին, առավելագույնը՝ մենք որպես պետություն ուղղակի հարվածի թիրախում ենք հայտնվելու։ Տալիս եմ ամենամեղմ գնահատականները»,- ասաց նախկին դիվանագետը։
Կարդացեք նաև
Աշոտ ՀԱԿՈԲՅԱՆ
