Երեւան քաղաքի ընդհանուր իրավասության դատարանը՝ դատավոր Արման Հովհաննիսյանի նախագահությամբ, այսօր մեղավոր ճանաչեց թիվ 94 մանկապարտեզի նախկին դաստիարակ Թամարա Գյուրջյանին՝ հրապարակելով մեղադրական վերդիկտ:
Դատարանը այսօր մեղադրական վերդիկտից հետո հրապարակեց նաեւ դատավճիռը՝ Թամարա Գյուրջյանի նկատմամբ որպես պատիժ սահմանելով 3 տարվա ազատազրկում, իսկ որպես լրացուցիչ պատիժ 3 տարով Գյուրջյանին զրկեց մանկավարժական գործունեությամբ զբաղվելու իրավունքից:
Հիշեցնենք, որ դաստիարակ Թամարա Գյուրջյանը մեղադրվում էր նրա համար, որ 2015 թվականի դեկտեմբերի 1-ից հանդիսանալով Երևան քաղաքի, թիվ 94 մսուր- մանկապարտեզ համայնքային ոչ առևտրային կազմակերպության ավազ խմբի դաստիարակ, մանկապարտեզի ավագ խմբի սաներից մեկին պարբերաբար ենթարկել է ֆիզիկական եւ հոգեկան բռնության:
Արփինե ՍԻՄՈՆՅԱՆ
