«Ներկայացնելով մեր նախագահին՝ Նորին Գերազանցություն Ռեջեփ Թայիփ Էրդողանին, մենք համապարփակ և արդյունավետ հանդիպում ունեցանք Հայաստանի վարչապետ Նորին Գերազանցություն Նիկոլ Փաշինյանի հետ Երևանում, որտեղ մասնակցում ենք Եվրոպական քաղաքական համայնքի 8-րդ գագաթնաժողովին»,- X սոցիալական ցանցում գրել է Թուրքիայի փոխնախագահ Ջևդեթ Յըլմազը:
«Նորին Գերազանցություն Փաշինյանի հետ հանդիպմանը համապարփակ կերպով գնահատեցինք մեր երկկողմ հարաբերությունները: Մենք հնարավորություն ունեցանք նաև քննարկելու տրանսպորտային, մաքսային, էներգետիկ և թվային ենթակառուցվածքների ու կապերի ամրապնդմանն ուղղված քայլերը: Մենք նաև առանձնահատուկ ուրախ ենք, որ կարգավորման գործընթացի շրջանակներում ձեռնարկված փոխադարձ կառուցողական քայլերը հանգեցնում են կոնկրետ առաջընթացի:
Մենք համարում ենք, որ համագործակցության խորհրդանշական և կոնկրետ ոլորտները, ինչպիսին է Անիի կամրջի համատեղ վերականգնումը, որի վերաբերյալ այսօր ստորագրեցինք փոխըմբռնման հուշագիր, նույնպես կնպաստեն խաղաղության և անվտանգության կայուն մթնոլորտի ստեղծմանը:
Տարածաշրջանային խաղաղության, երկխոսության և կայունության հիման վրա մենք վճռականորեն կշարունակենք մեր մոտեցումը՝ ուղղված Հարավային Կովկասում կարգավորման առաջ մղմանը, տնտեսական համագործակցության ընդլայնմանը և մարդկային շփումների ամրապնդմանը: Մաղթում եմ, որ մեր հանդիպումը լավ իրադարձությունների նախանշան դառնա, և շնորհակալություն եմ հայտնում Նորին Գերազանցություն Փաշինյանին՝ իր ջերմ հյուրընկալության համար»,- նշել է Յըլմազը։
Կարդացեք նաև
Թարգմանությունը՝ news.am-ի
https://x.com/_cevdetyilmaz/status/2051279983339802710?ref_src=twsrc%5Etfw%7Ctwcamp%5Etweetembed%7Ctwterm%5E2051279983339802710%7Ctwgr%5Ea1827233f370c481a4a2522a98032f8c1744a13d%7Ctwcon%5Es1_&ref_url=https%3A%2F%2Fnews.am%2Fhy%2Fnews%2F1032557
