«Այ, տեսաք՝ ժողովուրդը այստեղ հավաքված, իսկ մենք սուրճ էինք ներսում խմում անամոթաբար»,- Տաշիրում նախընտրական քարոզարշավն այս խոսքերով ավարտեց վարչապետ Նիկոլ Փաշինյանը՝ հրաժեշտ տալով իրեն մոտեցող քաղաքացիներին ու արագ բարձրանալով ավտոբուս: Տաշիրում վարչապետն ու իր թիմակիցները ելույթներ չունեցան, կարելի է ասել՝ չշփվեցին բնակիչների հետ:
Այստեղ ՔՊ-ին տաշիրցիները դիմավորեցին «Ուժեղ Հայաստան» վանկարկումներով: Ի պատասխան՝ Փաշինյանն ասաց՝ եղավ ու քայլեց դեպի ՔՊ-ի շտաբ՝ հյուրասիրության:
Սուրճի սեղանի շուրջ ՔՊ-ականները անվանարկում էին ընդդիմությանը ու հատկապես ՀՀ 2-րդ նախագահ Ռոբերտ Քոչարյանին:
Կարդացեք նաև
«Ինձ դավադրաբար չաղացնում են, իսկ ես չեմ դիմանում գայթակղությանը»,- սեղանի դիմաց ասաց վարչապետն ու մի կտոր խմորեղեն փորձեց: Նա անտարբեր չմնաց նաեւ Տաշիրի մրգերի հանդեպ. «Տաշիրի՞ խնձորն է, սուրճը բերեք էլի, ժողովուրդ ջան»:
Արփինե ՍԻՄՈՆՅԱՆ
Լուսանկարը՝ ՔՊ ֆեյսբուքյան էջից
