«Այս համաձայնությունն ամենախոշոր քայլերից մեկն է այս պատմական ուղին իրականություն դարձնելու ուղղությամբ։ Սա Հայաստանում և տարածաշրջանում խաղաղության և բարգավաճման ճանապարհ է։ Մեր համագործակցությունը, սակայն չի սահմանափակվում միայն TRIPP-ով։ Մենք շարունակում ենք զարգացնել մեր համագործակցությունը տարբեր ուղղություններով։ Մեր նախագահի երկրորդ պաշտոնավարման ժամանակաշրջանի կարևոր ժառանգությունն է լինելու սա»,- «Զվարթնոց» օդանավակայանում ՀՀ ԱԳ նախարար Արարատ Միրզոյանի հետ կարճ հանդիպումից և փաստաթղթերի ստորագրումից հետո հայտարարեց ԱՄՆ պետքարտուղար Մարկո Ռուբիոն։
The meeting of the RA Minister of Foreign Affairs Ararat Mirzoyan and the U.S. Secretary of State Marco Rubio took place in the reception hall of the Zvartnots International Airport of Armenia
ԱՄՆ պետքարտուղարն ասում է․ «Երկկողմ հարաբերությունների նոր շրջանակ ենք սահմանել։ Եթե պարզ ասեմ, այն հիմքերն ենք կառուցում, որպեսզի հայերը, ամերիկացիները տնտեսական հիմքեր ունենան՝ միասին աշխատելու։ Նաեւ հարգում ենք ինքնիշխանությունը»։
Փոխըմբռնման հուշագիրը՝ կարևորագույն հանքանյութերի մասին, փոխադարձ բարեկեցությունը մեծացնելու քայլ է համարում․ «Հանքանյութերի մշակումը, վերամշակումը կարևոր է ապագա բարեկեցության համար, և 21-րդ դարում դա կարևորագույն գործոն է»։ Իր գնահատմամբ՝ այն երկրները, որոնք կարող են դրանց մշակումը և վերամշակումն անել, 21-րդ դարում կարող են զարգանալ և տնտեսական անկախություն ստանալ։ Սա ոչ միայն ֆինանսապես է շահավետ համարում, այլ տեխնոլոգիաների զարգացման առումով։
«Դուք ճանապարհ եք հարթում դեպի ավելի պայծառ և ավելի անկախ Հայաստանի համար։ Մենք ուրախ ենք մեր աջակցությունը հայտնել այս տեսլականին, այս խիզախությանը»,- ՀՀ իշխանություններին այսպես գնահատեց ամերիկացի բարձրաստիճան պաշտոնյան։
Կարդացեք նաև
Մանրամասները՝ շուտով տեսանյութում
«Չափազանցություն չի լինի ասել, որ մենք թևակոխել ենք պատմականորեն աննախադեպ մի փուլ»,- կարծում է ՀՀ ԱԳ նախարար Արարատ Միրզոյանը՝ հավելելով, որ բոլոր պայմանավորվածությունները շահեկան են Հայաստանի համար և աննախադեպ հնարավորություններ են բացելու երկրի համար։
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
