Ադրբեջանի հարցերով փորձագետ Անժելա Էլիբեգովայի ֆեյսբուքյան գրառումը
Նիկոլի ադրբեջանցի գործընկերը վերջին շրջանում հաճախ էր մի միտք կրկնում՝ իր պահանջները պետք է կատարի հայ ժողովուրդը, ոչ թե կառավարությունը, որը այսօր կա, վաղը՝ չէ։
Դա էր պատճառը, որ ապացույցներ էր պահանջում՝ Սահմանադրական հանրաքվե։ Նիկոլը հասկանում էր, որ չի ստացվի ու փաթեթավորեց ընտրությունները որպես իր ծրագրերի վստահության հանրաքվե։
Ու պարտվեց։
Չհավաքեց սահմանադրական մեծամասնությունը։ Պարտվեց այն պարագայում, երբ փակեց ընդդիմադիր լիդերներին, իրենց ակտիվը, մեդիաները, հանրային կշիռ ունեցող մարդկանց։ Թոշակներ, անվճար բուժօգնություն, վարչական ռեսուրս, ընտրախախտումներ, կեղծիքներ, հիբրիդային պատերազմ և այլն։
Մեկ է պարտվեց։
Կարդացեք նաև
Դա գիտեն հայերը, դա գիտեն իրեն կանաչ լույս տված դրսի գործընկերները։
Այստեղ ավելի կարևորն այն է, որ գիտակից քաղաքացին կհասկանա, որ բառացիորեն հենց ինքը գնաց կիրակի օրը ու կանգնեցրեց թափանիվը։
Կտեսնի, որ հերթով փշրվում են միֆերը, որ նիկոլականները ավելի շատ են, անհաղթելի են, ոչինչ փոխել չի լինի։ Էդ 8 տարի ձգվող հուսահատության ու անճարության սառույցը կոտրվեց։ Իսկ դա Նիկոլի համար ավելի վտանգավոր է, քան ընդդիմության մանդատների քանակը։
Իհարկե, ռեպրեսիաները շարունակելու է, վախի մթնոլորտը սաստկանալու է։ Ուրիշ հարաբերվելու ձև իր ժողովրդի հետ վաղուց էլ չունի։ Բայց, սառույցը արդեն կոտրվել է… ինչպես կասեր դասականը՝ Аннушка уже разлила масло.
