«Մուլտի Սթոուն»-ի աշխատակիցները վաղը առավոտից վերսկսելու են իրենց բողոքի ցույցը։ Թեև ավելի վաղ հայտնել էին Սևան–Երևան մայրուղին փակելու մտադրության մասին, սակայն այսօր Աբովյանի քննչական մարմնի շենքի մոտ միասնական որոշում կայացվեց՝ դեռ էլի սպասել՝ իրավասու մարմնից տեղեկություն ստանալու համար։
Նրանք այսօր Աբովյանի քննչական մարմին էին գնացել՝ պարզելու, թե երբ կվերսկսվի իրենց աշխատանքը, սակայն այնտեղից հայտնել էին, որ նման հարցերի պատասխանելու իրավասություն չունեն և չեն կարող տեղեկություն տրամադրել։
Կարդացեք նաև
«Մուլտի Սթոուն»-ի աշխատակիցները լրագրողների հետ զրույցում հայտնեցին, որ վաղը նույնպես գնալու են Քննչական կոմիտեի կենտրոնական ապարատ՝ փորձելու ստանալ իրենց հարցերի պատասխանները։ Իսկ հետագա անելիքների վերաբերյալ դեռ հստակ որոշում չունեն։
«Մեր տնօրենն էլ է հայց ներկայացրել, որպեսզի պարզի՝ ինչու են գործարանը փակել։ Պետք է փորձենք պատասխան ստանալ, ուրիշ տարբերակ չկա։ Եթե հարցի պատասխանը տան՝ լավ, եթե ոչ, ժողովուրդը կորոշի, թե ինչ անել։ Մարդ կա՝ կարող է ուրիշ տեղ աշխատանք գտնել, ուղղակի չի կարելի աշխատող գործարանը փակել»։
Արփինե ՍԻՄՈՆՅԱՆ
