2026 թվականի ՖԻՖԱ-ի աշխարհի առաջնության կիսաեզրափակչից հետո Արգենտինայի հավաքականի մի քանի ֆուտբոլիստներ տոնակատարության ժամանակ պարզել էին քաղաքական բովանդակության պաստառ, որի վրա գրված էր. «Las Malvinas son Argentinas» («Մալվինյան կղզիները (Ֆոլքլենդները) Արգենտինային են»):
Խոսքը Մեծ Բրիտանիայի և Արգենտինայի միջև տասնամյակներ շարունակվող տարածքային վեճի՝ Ֆոլքլենդյան (Արգենտինայում՝ Մալվինյան) կղզիների մասին է։ 1982 թվականին այդ վեճը վերածվեց պատերազմի, որն ավարտվեց Մեծ Բրիտանիայի հաղթանակով, սակայն Արգենտինան մինչ օրս շարունակում է կղզիները համարել իր տարածքը։
ՖԻՖԱ-ն դեռ պաշտոնապես չի մեկնաբանել միջադեպը, թեև նրա կանոնակարգը (Stadium Code of Conduct) արգելում է մարզադաշտերում քաղաքական բնույթի պաստառներ, դրոշներ և այլ նյութեր պարզելը։ Նաեւ դեռ չի հայտարարել որևէ պատժամիջոցի կամ կարգապահական որոշման մասին։
Քանի որ պաստառը ցուցադրվել է հենց Անգլիայի նկատմամբ 2։1 հաղթանակից հետո, այն հատկապես մեծ արձագանք է ստացել Բրիտանիայում։ Քաղաքական արձագանքները բավականին կոշտ են եղել։ Մեծ Բրիտանիայի վարչապետ Քիր Սթարմերի խոսնակը հայտարարել է, որ կառավարությունը ցանկանում է, որպեսզի ՖԻՖԱ-ն քննի միջադեպը, քանի որ քաղաքական ուղերձները չպետք է տեղ ունենան ֆուտբոլում։
Կարդացեք նաև
Արգենտինայի արտաքին գործերի նախարարությունը, հակառակը, հրապարակել է հայտարարություն՝ վերահաստատելով երկրի դիրքորոշումը, որ Մալվինյան (Ֆոլքլենդյան) կղզիները պատկանում են Արգենտինային։
