Ուկրաինայի զինված ուժերում ներկայացվել է «Մարիչկա» (Marichka) անվանումով արհեստական բանականության վրա հիմնված տեղեկատվական համակարգ։
Համակարգը նախատեսված է հրամանատարներին որոշումների կայացման հարցում աջակցելու համար․ այն վերլուծում է մեծ ծավալի տվյալներ, կարող է առաջարկել գործողությունների տարբեր սցենարներ և արագացնել պլանավորման գործընթացը։
Ըստ հրապարակված տվյալների՝ որոշ գործընթացներ, որոնք նախկինում կարող էին ժամեր տևել, նախատեսվում է կրճատել մինչև րոպեներ։
Ուկրաինայի ՊՆ-ն ավելի վաղ հայտնել էր նաև Defense AI Center «A1»-ի ստեղծման մասին, որի ուղղություններից են մարտադաշտի տվյալների վերլուծությունը, հակառակորդի գործողությունների կանխատեսումն ու որոշումների կայացմանն աջակցող AI համակարգերի զարգացումը։
Վերջնական որոշումների նկատմամբ նախատեսվում է պահպանել մարդու վերահսկողությունը։
