Հայաստանի կանանց ազգային հավաքականի առաջատար թենիսիստուհի, աշխարհի 208-րդ ռակետ Էլինա Ավանեսյանը առանց պայքարի մտավ WTA 250 կարգի մրցաշարի կիսաեզրափակիչ։
Էլինան քառորդ եզրափակչում պետք է հանդիպեր աշխարհի 45-րդ ռակետ, Ուկրաինայի ներկայացուցիչ Ալեքսանդրա Օլեյնիկովային։ Սակայն ուկրաինացին հրաժարվեց պայքարից, և Էլինան, առանց անգամ մի գեյմ խաղալու, անցավ մրցաշարի նախավերջին փուլ։
Թե ինչն է պայքարից հրաժարվելու պատճառը, պաշտոնական որևէ մեկնաբանություն առայժմ չկա։ Ամենայն հավանականությամբ, 1/8 եզրափակչում նա վնասվածք է ստացել իսպանուհի Լեյլա Ռոմերո Գորմասի հետ խաղում։
Կիսաեզրափակչում Էլինա Ավանեսյանը խաղալու է հունգարացի Աննա Բոնդարի հետ, որը պայքարից դուրս թողեց Հայաստանի երկրորդ ներկայացուցիչ Ալինա Չարաևային՝ 6։1, 7։6։
Կարդացեք նաև
Աշոտ ՀԱԿՈԲՅԱՆ
