«Փաշինյանը հայտարարում է, որ գնում է ԵՄ, գնում է, բա չէ։ ԵՄ-ն անվտանգություն ստեղծող կառույց չէ, այլ սպառող։ ԵՄ-ի անվտանգության երաշխավորը ՆԱՏՕ-ն է, ՆԱՏՕ-ի անդամ ամենամեծ բազան՝ ՀՀ-ին մոտ, Թուրքիայում է։ Եթե լուրջ դեմքով մեկն ասելու է, որ թուրք զինվորականները արիաբար պաշտպանելու են ՀՀ պետական շահերը, սահմանները, ինքնիշխանությունը, ես այդ մարդուն կուղղորդեմ մասնագետի հետ հանդիպման։ Սա է պարզ պատասխանը, թե ուր ենք մենք գնում»,- հարցին՝ ո՞ւր է գնում ՀՀ-ն՝ աշխարհաքաղաքական առումով, Գագիկ Ծառուկյանի գործով դատական նիստից առաջ լրագրողների հետ զրույցում այսպես պատասխանեց ՀՀԿ ԳՄ անդամ Հայկ Մամիջանյանը։
Արդեն 5 ժամ է՝ դատարանը քննում է Գագիկ Ծառուկյանի կալանքը երկարացնելու վերաբերյալ միջնորդությունը։
Ըստ նրա՝ աշխարհաքաղաքական տրամաբանության մեջ Փաշինյանն արևմուտքին բացի հակառուսականությունից որևէ առաջարկելու բան չունի․ «Դա շատ վատ վերջ է ունենալու․ Փաշինյանի վերջն ինձ այնքան չի հետաքրքրում։ Խնդիրն այն է, որ իր սխալների, դավաճանությունների համար պատասխան ենք տալու բոլորս»։
Կարդացեք նաև
Գագիկ Ծառուկյանի կալանքը երկարացնելու վերաբերյալ միջնորդության քննությունն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
