Հոկտեմբերին տարեկան գնաճը Հայաստանում կազմել է 5.7% : Նախորդ տարվա նույն ժամանակահատվածի համեմատ, հոկտեմբերին արձանագրվել է սննդամթերքի գնի 9.3%, ոչ պարենային ապրանքների` 4.3% եւ ծառայությունների սակագների 2% աճ: ՀՀ ազգային վիճակագրական ծառայության մեկ այլ տվյալով, 2011-ի հունվար-հոկտեմբեր ամիսներին, նախորդ տարվա նույն ժամանակահատվածի համեմատությամբ, գնաճը կազմել է 8.3%, սննդամթերքի ինդեքսը`113.5%, ոչ պարենային ապրանքներինը` 103.2%, ծառայությունների սակագներինը` 103.8%: Ըստ նույն աղբյուրի, սեպտեմբերի համեմատությամբ՝ սննդամթերքի գների աճը հիմնականում պայմանավորված է կաթնամթերքի, մսամթերքի, ձկնամթերքի, շաքարավազի, ձվի, հրուշակեղենի գների 0.4-4.6% աճով:
Դիզելային վառելիքի եւ բենզինի գները այս տարվա սեպտեմբերի համեմատ նվազել են համապատասխանաբար 1.8%-ով եւ 0.7%-ով, սակայն 2010-ի հոկտեմբերի համեմատությամբ՝ աճել համապատասխանաբար՝ 20.3%-ով եւ 26.8%-ով:
ՀՀ ազգային վիճակագրական ծառայություն
Կարդացեք նաև
