Այսօր խորհրդարանում 7or.am-ի լրագրողը ԱԺ ՀԿԿ-ական պատգամավոր Մանվել Բադեյանից հետաքրքրվեց`ինչպես է վերաբերվում այն փաստին, որ օրենք է խախտվում և հայկական հեռուստատեսությամբ ռուսերեն լեզվով խաղ է ցուցադրվում: Խոսքը «Ի՞նչ, որտե՞ղ, ե՞րբ» խաղի մասին է:
Լրագրողի հարցից ՀՀԿ-ական պատգամավորը միանգամից բորբոքվեց: «Արա, իսկականի՞ց էդքան անմակարդակ եք, որ ըտենց եք մտածում: Որ փողոցում կանգնած մի եզդի էդ հարցը տար, կզարմանայի, բայց դուք իսկականից ըտենց ե՞ք մտածում»,- լրագրողներին դիմեց Բադեյանը ու շարունակեց. «Հաշվեք լեզվի դասընթաց ա, խաղ չի, օտար լեզվով դասընթացներ չեն ցուցադրո՞ւմ հեռուստատեսությունները»:
Բադեյանը համոզված է, որ եթե այդ խաղը պորտուգալերեն ցուցադրվեր, լրագրողները «բունտ չէին անի»:
Նա նաեւ լրագրողներին խորհուրդ տվեց`համեմելով այն ժարգոնային արտահայտություններով. «Հիշեք, ինչքան լեզու իմանաս, էնքան մարդ ես…Հմի էդ խաղի աշխատանքային լեզուն ռուսերենն ա, արա հո դուք գիժ չեք, արա: Կարո՞ղ ա մտածում եք՝ էդ խաղը խաղացող երեխեքը հայերեն չգիտեն»: Երբ լրագրողները հորդորեցին իրենց «արա»-ով չդիմել, Մանվել Բադեյանն ասաց. «Արա»-ն բացականչություն ա, ձեզի չեմ ասում»:
Կարդացեք նաև
Լրագրողի հարցից վրդովված, ինտելեկտի կողմնակից ՀՀԿ-ական պատգամավորը մոտ 10 րոպե խորհրդարանի միջանցքում լրագրողներին գոռգոռալով դասեր էր տալիս, հորդորում «անմակարդակ» չլինել, սենսացիաներ չսարքել, ինտելեկտուալ լինել:
Ապա պատգամավորը հասավ իր ենթադրությունների կուլմինացիային`հայտարարելով, որ նման հարցերը լրագրողները պատվերով են տալիս՝ իրենք էլ չգիտակցելով, թե ո՞ւմ պատվերն են կատարում: «Արա, կրակն ենք ընկել, էլի, ձեր ձեռը»,- եզրափակեց պատգամավորը:
Նելլի ԳՐԻԳՈՐՅԱՆ
Առաջարկում եմ ԱՐԱ-ով խոսել բոլոր հանրապետականների հետ,, սկսած Սերժ Սարգսյանից, նաեւ կանանց հետ….