ՀՀ քրեական վարչական դատարանը, դատավոր Գագիկ Ավետիսյանի նախագահությամբ, լսեց Շանթ Հարությունյանի պաշտպան Ինեսա Պետրոսյանի բողոքը:
Դատարան չէին ներկայացել ոչ դատախազ Գեւորգյանը, ոչ քննիչը, սակայն դատարանը որեւէ խոչընդոտ չտեսավ բողոքի քննության համար: Բողոքը մերժվեց, որոշման հրապարակումը եղավ դռնբաց:
Ինեսա Պետրոսյանն ասաց, որ պահանջել է, որպեսզի իր պաշտպանյալը՝ Շանթը, նույնպես ներկա գտնվի բողոքի քննությանը, սակայն դատարանը մերժել է այն:
Հիշեցնենք, որ պաշտպանը բողոքարկում էր նոյեմբերի 19-ի որոշումը, որը կայացվել էր Կենտրոն եւ Նորք-Մարաշ վարչական շրջանների ընդհանուր իրավասության դատարանի կողմից եւ համաձայն այդ որոշման՝ Շանթ Հարությունյանը տեղափոխվել էր հոգեբուժարան՝ փորձաքննություն անցնելու համար, 24 օր ժամկետով:
Կարդացեք նաև
Ուշագրավն այն է, որ մինչ վերաքննիչ դատարանը կորոշեր դատական նիստի օրը, Շանթ Հարությունյանը հոգեբուժարան տարվելու 20-րդ օրը տեղափոխվել էր «Երեւան կենտրոն» ՔԿՀ:
Ինեսա Պետրոսյանն ասաց, որ դատարանից պահանջել է արձանագրել իրավունքի խախտման փաստը:
Ռուզան ՄԻՆԱՍՅԱՆ
… Քանի դեռ՝ այս անօրեն իշխանությունն է, և ունենք այսպիսի կողմնակալ՝ ՀՀ-ն համակարգ, ոչինչ՝ ի շահ հասարակ քաղաքացու արդարացի պահանջի, ՀՀ-ն դատարան կոչվածները՝ չի որոշվի, ունեմ՝ բազում փաստեր … հեռ. 093/90-77-93