Արդեն տեղեկացրել ենք, որ տիբեթյան վանական-լամա Ադեն Ունցոյի օգնական լամա ՅեշեՆյիմայի հայաստանյան այցը ձախողվել է, նրան մուտքի արտոնագիր չի տրամադրվել: Արդյունքում նախապես ծրագրված «Արևելքն այստեղ» խորագրով միջոցառումը Մոսկովյան պուրակում անցավ առանց լամայի:
Միջոցառման շրջանկներում անցկացվեց բուդդայական փիլիսոփայական հարցերի պատասխանների շուրջ մրցույթ, անցորդներին առաջարկվում էր ՀՀ քարտեզը ձևավորել վառվող մոմերով, մի աղջիկ չինա-տիբեթական պարեր էր սովորեցնում, իսկ Ճապոնական հոկկու-բանաստեղծությունների մրցույթի լավագույն մասնակիցներին պարգեւատրում էին «Ի-ճինգ» Չինական դասական մեծն փոփոխությունների գրքով, մի անկյունում էլ գուշակություններ էին կատարվում եւ վերծանվում: «Նոր Հայաստան» կազմակերպության «Տիբեթ» կենտրոնի ղեկավար Էլեոնորա Մանանդյանը Aravot.am-ի հետ զրույցում ափսոսանք հայտնեց տիբեթյան վանականի հետ կատարվածի առնչությամբ. «Դա մեզ համար շատ մեծ ցավ էր, լայնածավալ ծրագիր պետք է լիներ…Իրականում ստացվում է, որ աշխարհը շատ ավելի վատն է, քան պատկերացնում էինք»:
Գոհար ՀԱԿՈԲՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
ճիշտա աշխարհը “շատ վատն է” քան դուք պատկերցնում եյիք, որովհետև հերթական աղանդին խոչնդոտում են, որ Հայաստան մուտք գործի: ձեր լաման էր պակաս գար ստեղ մարդկանց համար ճրագ վառեր ու “օրհներ”: