Լրահոս
Օրվա լրահոսը

Ուղեկցողը չցանկացավ ձեռնաշղթա հագցնել Վարդան Պետրոսյանին (Տեսանյութ)

Ապրիլ 01,2015 14:14

Վարդան Պետրոսյանը դատական նիստերի դահլիճ բերվեց ձեռնաշղթայով: Տեղում այն հանվեց, մինչդեռ դատական նիստը երբ ավարտվել էր, Վարդան Պետրոսյանը իր ձեռքերը պարզեց, որպեսզի ուղեկցողը ձեռնաշղթա հագցնի: Փոքրիկ նյուանս էր, բայց ուղեկցողը ձեռքը պարզեց նրան, ուղեկցելով դատարանից դուրս:

Վերաքննիչ քրեական դատարանում դատավոր Հ.Տեր-Ադամյանի նախագահությամբ, դատավորներ Արղամանյանի, Պետրոսյանի մասնակցությամբ վճռաբեկության կարգով պետք է քննության առնվեին փաստաբան Ռուբեն Բալոյանի, մեղադրող Արթուր Սարգսյանի վերաքննիչ բողոքները:

Ռ.Բալոյանի բողոքն, ինչպես նա շեշտեց դատարանում, քսանչորս էջից էր բաղկացած:

Դերասան Վարդան Պետրոսյանի ավտովթարի գործով տուժողներ Հակոբյան ընտանիքի ներկայացուցիչը, նաեւ մեղադրողը բողոք են բերել Կոտայքի մարզի ընդհանուր իրավասության դատարանի հունվարի 20-ի դատավճռի դեմ:

Vardan_Petrosyan_2 Vardan_Petrosyan_3

Vardan_Petrosyan_6 Vardan_Petrosyan_4 Vardan_Petrosyan_5

Պաշտպանական կողմից Սամվել Ջաղինյանը, ապա Նիկոլայ Բաղդասարյանը դատարանին հայտնեցին, որ իրենց ֆրանսիացի գործընկերները դատավճիռը ստացել են մարտի 2-ին:

Մինչդեռ, նրանք չեն ստացել ոչ միայն այսօրվա դատական նիստի ծանուցագիրը, այլեւ ֆրանսերենով մեղադրողի եւ ներկայացուցչի բողոքները:Նիկոլայ Բաղդասարյանը քսան օր ժամանակ խնդրեց, որպեսզի հետաձգվի դատական նիստը, իսկ Սամվել Ջաղինյանը հղում կատարեց ՍԴ որոշումներից մեկին, համաձայն որի , բողոք բերելու օրը պետք է հաշվել դրանք փաստացի ստանալու պահից սկսած:Վաղն ավարտվում էր բողոք բերելու ժամկետը:

Պաշտպանական կողմը հայտնեց, թե ինքը կապահովի դրանք ուղարկելը, թարգմանելը:

Բողոքի քննությունը նշանակվեց ապրիլի 21-ին:

Ռուզան ՄԻՆԱՍՅԱՆ

Հ.Գ. Ի դեպ, հիշեցի, որ նախագահող դատավորի օպերատոր որդին տարիներ առաջ վթարի ենթարկվեց «Որոգայթ» հայտնի հեռուստասերիալի երկու տաղանդավոր դերասանների՝ Գոքորի եւ Արամի հետ:Երկու դերասանները մահացան:

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2015
Երկ Երե Չոր Հնգ Ուրբ Շաբ Կիր
« Մար   Մայիս »
 12345
6789101112
13141516171819
20212223242526
27282930