Շատերը հեծանիվին վերաբերում են որպես տեղափոխության միջոց, մի մասն էլ` զվարճալի զբաղմունք, բայց որպես օրգանիզմն ամրացնող մարզական պարագայի՝ քիչ ենք օգտվում: Ինչո՞վ է հիմնավորված օրգանիզմի վրա հեծանվով զբոսանքների բարերար ազդեցությունը, եթե հայտնի է, որ դրանք նպաստում են ֆիզիկական, իսկ միաժամանակ` բնության հետ շփման շնորհիվ` նաեւ հոգեկան վիճակի լավացմանը:
Մասնագետները նշում են, որ հեծանիվ քշելիս գրեթե բոլոր մկանները դուրս են գալիս երանավետ ալարկոտության վիճակից: Դրանք դառնում են առավել առաձգական եւ ձիգ` պատրաստ մկանային ճիգերի:
Հեծանվով երթեւեկելը նպաստում է նիհարելուն: Եթե սեղմելով ոտնակները, կատարեք խոր ներշնչումներ, օրգանիզմը լավ է հագենում թթվածնով, կոփվում են շնչառական ուղիները, մշակվում է աշնանային մրսածության նկատմամբ վարակի անընկալություն: Բայց նաեւ շատ կարեւոր է հիշել՝ ինչպես հագնվել` ոչ շատ տաք, որպեսզի չքրտնեք, եւ ոչ էլ շատ թեթեւ, որպեսզի չմրսեք:
Պատրաստեց ԱՆՈՒՇ ՄԱԹԵՎՈՍՅԱՆԸ
Կարդացեք նաև
«Առավոտ» օրաթերթ
28.08..2015
