Հայոց ցեղասպանության 100-րդ տարելիցին նվիրված համերգ Լեհաստանի Բիալիստոկ քաղաքում

Հայոց ցեղասպանության 100-րդ տարելիցին նվիրված համերգ Լեհաստանի Բիալիստոկ քաղաքում

Օգոստոսի 28-ին Լեհաստանի Բիալիստոկ քաղաքի Օպերայի և ֆիլհարմոնիայի դահլիճում տեղի ունեցավ մեծ համերգ՝ նվիրված Հայոց ցեղասպանության 100-րդ տարելիցին: Համերգը կազմակերպվել էր Լեհաստանի մշակույթի և ազգային ժառանգության նախարարության կողմից իրականացվող «Արևելքի մշակույթ» ծրագրի շրջանակներում: Համերգը, ինչպես նաև «Արևելքի մշակույթ» ծրագրի շրջանակներում իրականացվող մյուս բոլոր մշակութային միջոցառումներն իրականացվում էին Լեհաստանում ՀՀ դեսպանության հովանու ներքո:

Համերգի ընթացքում Պոդլավսկեի օպերային թատրոնի սիմֆոնիկ նվագախմբի և «Կլեզմաֆոր» էստրադային խմբի համատեղ կատարմամբ ներկայացվեցին հայ ճանաչված արվեստագետների ստեղծագործությունները՝ յուրօրինակ մեկնաբանություններով և մշակումներով, ինչպես նաև ազգային նվագարանների կիրառմամբ:

Համերգից առաջ ներկաներին ողջունեցին Լեհաստանում ՀՀ դեսպան Էդգար Ղազարյանը և Բիալիստոկի քաղաքապետ Թադեուշ Տրոսկոլասկին:

Նույն օրը տեղի ունեցած մամլո ասուլիսի ընթացքում, որին մասնակցում էին Լեհաստանում ՀՀ դեսպան Էդգար Ղազարյանը, Բիալիստոկի քաղաքապետ Թադեուշ Տրոսկոլասկին և Լեհաստանի մշակույթի և ազգային ժառանգության նախարարության Ազգային մշակութային կենտրոնի փոխտնօրեն Կազիմեժ Մոնկիևիչը, դեսպան Ղազարյանը շնորհակալություն հայտնեց Լեհաստանի մշակույթի և ազգային ժառանգության նախարարությանը, ինչպես նաև Բիալսիտոկի քաղաքային իշխանություններին` Հայոց ցեղասպանության 100-րդ տարելիցին նվիրված համերգի կազմակերպման համար:

ՀՀ ԱԳՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք