Արդեն նախանշվել են ժամկետները, երբ Գերմանիայի խորհրդարանում քվեարկության կդրվի «1915թ. իրադարձությունները, որպես ցեղասպանություն Ճանաչելու մասին» նախագիծը։ Այս մասին տեղեկացնում է թուրքական «Հաբերլեր» լրատվական գործակալությունը։
Օրինագծի մասին խոսել է Կանաչների կուսակցության համանախագահ Ջեմ Օզդեմիրը, նշելով, որ իրենք շատ էին ցանկանում, որ այդ նախագիծը շատ ավելի շուտ բերվի Բունդեսթագ։
Շարունակելով իր միտքը՝ Օզդեմիրն ասել է. «Ժամկետներից ավելի կարևորն այն է, որ բոլոր կուսակցությունները մեկ դիրքորոշում ունենան։ Վերջիվերջո Բունդեսթագում պարզ և հստակ ձևակերպումներ կօգտագործվեն։ Այո, Օսմանյան կայսրություն օրոք մեղքը որ գործվել է հայերի հանդեպ, կոչվում է ցեղասպանություն։ Դեռ ավելին, այդտեղ գերմանացիներն էլ պատասխանատվության իրենց բաժինն ունեն։ Հետ ճանապարհ այլևս չկա»։
Հայոց ցեղասպանության մասին նախագծի քննարկումը ավելի վաղ նախատեսվում էր Բունդեսթագ ներկայացնել ապրիլին՝ Հայոց ցեղասպանության 101-ամյակի օրերին։
