«Այն ընտրատեղամասերում, որտեղ ԵԽԽՎ-ն դիտորդություն եւ ուսումնասիրություններ է իրականացրել, 44%-ում գրանցվել են ընտրախախտումներ, ինչը խոսում է այն մասին, որ ԵԽԽՎ-ն արձանագրել է ընտրախախտումների շատ բարձր մակարդակ: Երկրորդը՝ ԵԽԽՎ պատվիրակությունն ընդգծել է Հ1-ի եւ մի շարք ԶԼՄ-ների կողմից կոնկրետ իշխանական եւ իշխանամետ թեզերի առաջ մղումը, ինչին մենք ականատես ենք եղել շաբաթներ շարունակ նախընտրական փուլում, ընտրությունների օրը եւ հետընտրական փուլում:
Երրորդ կետով ուզում եմ նշել, որ ԵԽԽՎ-ն նաեւ անդրադարձել է ԲՀԿ-ի շուրջ 60 000 ձայների, այսպես ասած, անվավեր ճանաչելուն, մանդատագողությանը: Եվ նշել է, որ այն պատճառաբանությունը, որը ԿԸՀ-ն առաջ է բերել, անհիմն է եւ չպետք է նման պատճառով շուրջ 60 000 քաղաքացիների ձայներ հօդս ցնդեին կամ փոշիանային»,- հունիսի 7-ին կայացած ընտրությունների վերաբերյալ ԵԽԽՎ զեկույցի թեմայով կայացած ասուլիսում նշեց «Ուժեղ Հայաստան» խմբակցության քարտուղար Տիգրան Աբրահամյանը:
«Ուժեղ Հայաստան» կուսակցության խորհրդի անդամ Գոհար Մելոյանի խոսքով. «ԵԽԽՎ զեկույցը գալիս է պնդելու մեր բոլոր հայտարարությունները, խոսքերը, ասուլիսները, փաստերն առ այն, որ Հայաստանի Հանրապետությունում հունիսի 7-ի ընտրությունները բազմակի խախտումներով են տեղի ունեցել, եւ այդ բազմաթիվ խախտումները հատկապես վտանգավոր էին ՀՀ ժողովրդավարության համար: Չնայած ՀՀ իշխանության հետ փոխհարաբերություններին՝ անգամ ԵԽԽՎ-ն կատարել է արձանագրումներ, որ այլեւս ժողովրդավարության բաստիոնում չենք գտնվում, ժողովրդավարությունը նահանջել է իր դիրքերից, արձանագրվել է անկումը ժողովրդավարական արժեքներից»:
Կարդացեք նաև
Secretary of the ‘Strong Armenia’ parliamentary faction Tigran Abrahamyan, MP Harutyun Harutyunyan and member of the Council of the Strong Armenia Party Gohar Meloyan gave a press conference at Alexander Hotel of Yerevan, Armenia
Ի թիվս այլնի՝ Մելոյանը փաստեց նաեւ, որ «Ուժեղ Հայաստան» կուսակցության առաջնորդը հնարավորություն չի ունեցել մասնակցելու նախընտրական գործընթացին՝ տնային կալանքի ներքո գտնվելով, եւ այդ սահմանափակումը բացառապես ելնում էր քաղաքական նպատակահարմարությունից:
Ասուլիսն ամբողջությամբ
Գոհար ՀԱԿՈԲՅԱՆ
