Իսրայելը տարեկան 10 միլիարդ դոլար է ստանում ԱՄՆ-ից: Հիմա եթե ասեմ, որ մենք էլ ենք կարող ժամանակի ընթացքում դրան հասնել, դուք կզարմանաք եւ կհարցնենք՝ ինչպե՞ս: Շատ պարզ՝ վերացնելով կոռուպցիան եւ գանձագողութունը: Հայաստանում ԱՄՆ-ի դեսպանը շատ բաց տեքստով դա ասում է՝ նշելով, որ նա հայաստանյան կոռուպցիայի մասին հենց այնպես չի խոսում, նա ցանկանում է հնարավորություն ստեղծել՝ ամերիկյան ներդրումների համար: Ուշադրություն դարձրեք. որեւէ պայման չի դրվում ռուսների հետ հարաբերություններ փչացնելու առումով:
Ռուսաստանի մասին: Տարբեր տեսակի թատերական ժեստերը, ցույցերը, թքել-մրելը, «russians, go home!» բացականչելը, ինձ թվում է, որեւէ օգուտ չեն բերի: Ես առաջարկում եմ այդ երկրի հետ խոսելու բոլորովին այլ հնչերանգ. «Դուք էլի մեր դաշնակիցներն եք: Ադրբեջանցիներն ու թուրքերը նո՞ւյնպես ձեր դաշնակիցներն են՝ շատ լավ: Ուզում եք Ադրբեջանին զե՞նք վաճառել՝ ձեր գործն է: Բայց մենք էլ պետք է ուրիշ տեղից զենք գնենք, որովհետեւ որոշել ենք թույլ չտալ նոր ցեղասպանություն»: Կարծում եմ, կարելի է դա ռուսներին հանգիստ եւ բարեկամաբար բացատրել:
Կոռուպցիայի մասին: Այստեղ էլ պետք չէ ֆանտաստիկ, դրամատիկ կամ պոպուլիստական դեղատոմսեր փնտրել: Օլիգարխների դղյակների վրա հարձակվող «պատժիչ ջոկատներ» հաստատ պետք չեն: Թե ի՞նչ է պետք, ցույց տամ մի պարզ օրինակով: Միխայիլ Բաղդասարով ջան, չե՞ս կարողացել «Հրազդանցեմենտը» աշխատեցնել՝ ոչինչ, պատահում է: Պա՞րտք ես մնացել 10 միլիոն դոլար, բարի եղիր մուծիր՝ հակառակ դեպքում ստիպված կլինենք այդ պարտքը գանձել օրենքով սահմանված կարգով: Ոչ թե այդ 10 միլիոնը տանք հարկատուների գրպանից, ինչպես որ ուզում է անել կառավարությունը: Ի՞նչ է, մեր բյուջեում հավելյալ 10 միլիոն դոլա՞ր կա: Թե՞ Միխայիլ Բաղդասարովը նման գումար չունի:
Արամ ԱԲՐԱՀԱՄՅԱՆ
Ձեր նշած երկրորդ կետի վերաբերյալ՝ անհատ ռուսներին դա բարեկամաբար բացատրել հնարավոր է, բայց այսօրվա Ռուսաստանին՝ ոչ բարեկամաբար, ոչ էլ որևէ այլ կերպ:
Պատերազմական վիճակում գտնվող երկրին անհրաժեշտ է 3 օրենսդրական փոփոխություններ մտցնել,
1. կաշառաքը, պետբյուջեի միջոցների վատնումը, ընտրությունների կեղծումը համարվում են պետական դավաճանություն
2. վերահսկողական ծառայությունները ձևավորվում են միայն ընդիմության կազմից
Օրինապահի համար օրենքը նույնն է, ինչ սահմանապահի համար սահմանն է, այսինքն՝ սրբություն է, իսկ սրբությունը նա է, ում համար հնարավոր թե անհնար ամեն ինչ կանես: Մեզ պետք է օրինապահների մասնագիտական բանակ, որոնք կմաքրեն Օրենսդրությունը չգործող բարի ցանկություններից, իսկ անհրաժեշտ օրենքները կուժեղացվեն ու նյութական աջակցություն կստանան, կարճ ասած՝ մեզ պետք են Օրինապահ զորքեր: