Կենտրոն եւ Նորք Մարաշ վարչական շրջանների ընդհանուր իրավասության դատարանը մերժեց Երեւանի Ազատության հրապարակում Ամանորի գիշերը ոստիկանի նկատմամբ բռնություն կիրառելու մեջ մեղադրվող Գեւորգ Սաֆարյանի պաշտպանի եւս մեկ միջնորդություն:
Հիշեցնենք, որ դատարանն այսօր մերժել էր նաեւ փաստաբանի մեկ այլ միջնորդություն՝ դատավորի ինքնաբացարկի վերաբերյալ:
Գեւորգ Սաֆարյանի պաշտպանը՝ փաստաբան Տիգրան Հայրապետյանը միջնորդեց կալանավորման փոխարեն խափանման այլ միջոց ընտրել կամ գրավ կիրառել: Գեւորգ Սաֆարյանն էլ միացավ պաշտպանի միջնորդությանը, ասաց՝ իրեն կալանքի տակ պահելու հիմքեր չի տեսնում.
«Ենթադրենք` պարզվեց, որ ես մեղավոր եմ, իսկ այս հոդվածով նվազագույն պատիժը տուգանքն է երեք հարյուր հազար դրամի չափով: Նշանակում է` ես մի քանի ամիս մնում եմ անազատության մեջ, իսկ հետո տուգանք է կիրառվում: Հարգելի դատարան, ես նախաքննության ընթացքում համագործակցել եմ նախաքննական մարմնի հետ եւ այժմ էլ չեմ պատրաստվում խուսափել դատական նիստերից»:
Կարդացեք նաև
Դատարանը մերժեց այս միջնորդությունը:
Դատական հաջորդ նիստը նշանակվեց հունիսի 1-ին:
Հիշեցնենք, որ Գեւորգ Սաֆարյանը մեղադրվում է Ոստիկանության 4-րդ հատուկ գումարտակի հրամանատար, ոստիկանության կապիտան Գեղամ Խաչատրյանի նկատմամբ բռնություն կիրառելու մեջ:
Արփինե ՍԻՄՈՆՅԱՆ
վայ, բանտում, մեր Քաջ Գէորգը մի քիչ կշիռ է վրա դրել
երեւի զինք լաւ են խնամում այդտեղ