«Տոն տեխնոլոգիական հայության համար» կարգախոսով սեպտեմբերի 30-ին Մերգելյան ինստիտուտում բացվեց ամենամյա Դիջիթեք ցուցահանդես –փառատոնը, որը կտևի մինչև հոկտեմբերի 2-ը: Փառատոնն անցկացվում է արդեն 12-րդ անգամ: Ցուցահանդեսի նպատակն է զարգացնել Հայաստանում IT ոլորտը և շահագրգռել միջազգային կազմակերպություններին ներդրումներ անել այս ոլորտում: Նախորդ տարվա 45000 այցելուներից հետո այս տարի փառատոնի կազմակերպիչներն ակնկալում են տեսնել շուրջ 60 000 այցելու: Այս տարի հատկապես ավելացել են Հնդկական ընկերությունների ներդնումը, 7 հնդկական ընկերություն ներկայացել են Դիջիթեքում: Դիջիթեքում այս տարի ցուցադրված են գերմանական, ամերիկյան, հնդկական, ռուսական և հայկական ընկերությունները:
Դիջիթեքի այցելուները մեզ հետ զրույցում նշեցին, որ հատկապես հետաքրքրված են մեր ռազմարդյունաբերությանը նպաստող հայկական մի շարք ընկերությունների արտադրանքով: Իհարկե, ռազմական նշանակություն ունեցող զենքերը ցուցադրված էին առանց խաղաքարտերը բացելու: Ներկայացված էին նաեւ բուհերի ուսանողների նախագծեր,նույնիսկ դպրոցահասակ երեխաների աշխատանքներ: Հետաքրքրասեր այցելուների հարցերին սպառիչ պատասխաններ են տալիս նախագծերի հեղինակները: Դիջիթեքը օգնում է՝ IT ոլորտը հավասարապես զարգանա նաև մարզերում :
Զրուցեցինք հանրային կապերի պատասխանատու Արփինե Բաղդասարյանի հետ: Նա պատմեց, մասնավորապես Գյումրու Տեխնոլոգիական կենտրոնի մասին. արդեն մոտ 12 ընկերություններ մոտ 600 000 ԱՄՆ դոլար ներդրում են կատարել, և կենտրոնը պատրաստում է տարեկան մոտ 100 մասնագետի և ապահովում անհրաժեշտ պայմանները Գյումրիում մնալու և ոլորտը զարգացնելու ուղղությամբ:
Նելլի ԽԱՉԱՏՐՅԱՆ
