«Օրենքը շատ վատն է»,- նոյեմբերի 11-ին «Մարտահրավերները 2017 թվականի խորհրդարանական ընտրություններին ընդառաջ» քննարկման ընթացքում ասաց ԱԺ պատգամավոր Արամ Մանուկյանը:
Նա առանձնացրեց հաշվման գործընթացը, որն իր խոսքերով՝ քանդելու է Ընտրական օրենսգիրքը. «Եթե 10 կուսակցություն մասնակցի, եթե ամեն մեկը ներկայացնի 15 թեկնածու իրենց կուսակցական ցուցակում, ստացվում է 150 հոգի ամեն ընտրատարածքում ընտրություններից հետո պետք է հաշվի: Ֆիզիկապես 7 հոգով հնարավոր չէ սպասարկել այս գործընթացը եւ հաշվել թեկուզ 3 օրվա ընթացքում: 8 ժամվա ընթացքում օրենքն ասում է պետք է 150 հոգու տվյալներ հաշվես հրապարակես, ֆիզիկապես հնարավոր չէ: Այսքան խրթին օրենք մենք երբեք չենք ունեցել: Սա ամենաանհաջող օրենքն է ընտրական գործընթացը կազմակերպելու համար»:
Արամ Մանուկյանը ընդգծեց, որ ցուցակների հրապարակումը կանխարգելիչ միջոցառում է համարում. «Առնվազն 300-500 հարյուր հազար ցուցակ մաքրվելու է եւ այդքան պակաս են քվեարկելու: Եթե անցած ընտրություններին եղել է 1.6-1.7 միլիոն մասնակցություն, ապա գարնանը կլինի 1.2, առավելագույնը 1.3 միլիոն մասնակցություն: Սա արդեն կանխարգելիչ գործընթաց է»:
Ամի ՉԻՉԱԿՅԱՆ
