«Ադրբեջանի ուշադրության կենտրոնում են գտնվում այն զինատեսակները, որոնք ունի հայկական կողմը: Բաքուն հասկանում է, որ, օրինակ, «Իսկանդերների» գործոնն ազդեցիկ է եւ ճնշող: Փորձում են համարժեք զինատեսակներ ունենալ»,-Aravot.am-ի հետ զրույցում անդրադառնալով ՌԴ-ի եւ Ադրբեջանի միջեւ ընթացող սպառազինության գնման բանակցություններին՝ ասաց քաղաքագետ Հրանտ Մելիք-Շահնազարյանը:
Հիշեցնենք՝ օրերս Իլհամ Ալիեւը հայտարարել էր, որ հետաքրքրված է պաշտպանական զինատեսակներով:
Քաղաքագետը չի հավատում Ալիեւի այն պնդումներին, թե իրենց կհաջողվի Ռուսաստանից նոր զինատեսակներ ձեռք բերել. «Մամուլում տեղեկություններ կան, որ Ադրբեջանը չի կարողանում վճարել անգամ նախկին պայմանավորվածությունների համար, եւ այդ հարցը ՌԴ-ի եւ Ադրբեջանի միջեւ լուրջ գժտության պատճառ է դարձել»:
Կարդացեք նաև
Հարցին ի պատասխան՝ որքանո՞վ է արդարացված մտավախությունը, թե Ռուսաստանն Ադրբեջանին էլ «Իսկանդեր» կվաճառի, մեր զրուցակիցն ասաց. «Ցավոք, ՌԴ-ի՝ մինչ այս վարած գործունեությունը զենքի շուկայում լավը սպասելու առիթ չի տվել: Այդ պատճառով չեմ բացառում, բայց նաեւ նշեմ, որ նման գործարքները շատ արագ չեն կատարվում, որովհետեւ նաեւ աշխարհաքաղաքական նշանակություն ունեն»:
Այլ մանրամասներըշ՝ տեսանյութում
Լուիզա ՍՈՒՔԻԱՍՅԱՆ
