Լևոն Մկրտչյան. «Հայաստանը բաց պլատֆորմ է միջազգային կրթական համակարգի համար»

Լևոն Մկրտչյան. «Հայաստանը բաց պլատֆորմ է միջազգային կրթական համակարգի համար»

Ապրիլի 21 -ին Երևանում անցկացվեց Միջազգային բակալավրիատի ԱՊՀ երկրների 11–րդ համաժողովը, որին մասնակցեցին Միջազգային բակալավրիատի և եվրոպական կառույցների պաշտոնական ներկայացուցիչներ: Այս տարի միջոցառման կազմակերպումն ապահովեց Շիրակացու ճեմարան միջազգային գիտակրթական համալիրը, որը տարածաշրջանում ասոցիացիայի միակ անդամն է:

«Միջազգային բակալավրիատն իրենից ներկայացնում է ոչ կառավարական, շահույթ չհետապնդող կառույց, որն ունի խորհրդատվական կարգավիճակ Եվրոպայի խորհրդում և ՅՈՒՆԵՍԿՕ- ում: Շիրակացու ճեմարանը միակն է, որի բոլոր երեք՝ տարրական, միջին և ավագ դպրոցները հավաստագրված են Միջազգային բակալավրիատի համապատասխան տարիքային ծրագրերով»,- ասաց ճեմարանի տնօրեն Աշոտ Ալիխանյանը:

«Հայաստանի նման փոքր երկրի համար մեծ հեռանկարների բաց դուռ են նման կազմակերպությունները, որոնք ապահովում են միջազգային ամենաբարձր չափանիշներին և ժամանակի պահանջներին համապատասխան բարձրագույն կրթություն».-նշեց ՀՀ կրթության և գիտության նախարար Լևոն Մկրտչյանը:

«Միջազգային բակալավրիատի դիպլոմը համարվում է այցեքարտ՝ հնարավորություն ընձեռելով առանց լրացուցիչ քննությունների ընդունվել աշխարհի առաջատար բուհեր: Ծրագրի նպատակներն են նպաստել ԱՊՀ երկրներում դպրոցական կրթության բարեփոխմանը, ուսուցիչների և աշխատակիցների մասնագիտական աճի զարգացմանը»,- հավելեց Աշոտ Ալիխանյանը:

The 11th annual conference of the Association of International Baccalaureate schools of the CIS countries took place at Elite Plaza BC

«Իր առաքելությունները իրականացնելու նպատակով Միջազգային բակալավրիատ ծրագիրը կազմակերպում է ամենամյա համաժողովներ անդամ դպրոցներից որևէ մեկում, որը մեծապես նպաստում է միջազգային կապերի ամրապնդմանը և առաջավոր մանկավարժական փորձի փոխանակմանը»,-նշեց Ղազախստանի Հանրապետության ներկայացուցիչ Ժամպեիսով Մակսատը:

Անուշ ԳԱՍՊԱՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք