Այսօր ԱԺ հայտարարությունների ժամին «Ելք» խմբակցության պատգամավոր Էդմոն Մարուքյանն ասաց, որ սկսում են բազմաքայլ մի գործընթաց, որով ՀՀ քաղաքացիներին, քաղաքական ուժերին, հիմնավոր ներկայացնելու են Հայաստանի հետընթացը՝ սկսած 2013-ից, երբ Հայաստանն անդամակցեց ԵԱՏՄ-ին. «ՀՀ-ում տնտեսական բազմաթիվ խնդիրներ կան, խոստացված բոլոր ուղղությունները չեն իրագործվել, անվտանգության հետ կապված բազմաթիվ մտահոգություններ կան, ՀՀ անվտանգությունը ավելի խոցելի է դարձել ԵԱՏՄ-ին անդամակցելուց հետո, դրան գումարած` գործազրկությունը»:
Ըստ Մարուքյանի, Հայաստանը կարող է զարգանալ, եթե կաշկանդված չլինի, իսկ ԵԱՏՄ մտնելով, Մարուքյանի խոսքերով՝ մենք ռեգրես ենք ապրում:
«Ելքը» առաջարկում է ԱԺ ժամանակավոր հանձնաժողով ստեղծել, որը ԱԺ-ին եզրակացություն կտա ԵԱՏՄ-ի բոլոր դրական եւ բացասական կողմերի վերաբերյալ:
Հռիփսիմե ՋԵԲԵՋՅԱՆ
