ՀՀՇ հանրապետական խորհրդի կուլիսներում խոսակցություն կար, թե երրորդ կամ չորրորդ օրն է, որ ծեծված վիճակում տանն է գտնվում Կենտրոնական բանկի նախկին նախագահ Բագրատ Ասատրյանը։ Թե ինչ հողի վրա է դա տեղի ունեցել, «Առավոտին» չհաջողվեց պարզել։ Ե՛վ ՀՀՇ-ում ոչինչ չասացին, ե՛ւ հնարավոր չեղավ Բագրատ Ասատրյանի հետ կապվել հեռախոսով։
ՍԱՎՊԱԴԵՆԻ-4
ԱՄՆ-ում մի հարցազրույցի ժամանակ սփյուռքահայ պարբերականի խմբագիրը Գեղամ Ղարիբջանյանին հարցրել է. «Գիտե՞ք, Սփյուռքի վստահությունն այլեւս կորել է Հայաստանի նկատմամբ՝ օգնությունները տեղ չեն հասնում, կորչում են»։ «Ի՞նչ զարմանալի զուգադիպություն է,- բացականչել է Գեղամ Ղարիբջանյանը։ -Մեզ մոտ էլ է կորած վստահությունը՝ օգնություն եք ուղարկում ժամկետանց դեղեր, ոչ սննդարար սննդամթերքներ, էժան ապրանքը թանկ եք գնահատում եւ այլն»։
ՀԼԿԵՄ 33-ՐԴԸ
Կարդացեք նաև
Օգոստոսի 21-ը նշանակալի օր է հայ կոմերիտմիության պատմության մեջ։ ՀԼԿԵՄ ներկայացուցիչներն այդ օրը Երեւանում կհավաքվեն համագումարի։ Դա կլինի Հայաստանի կոմերիտմիության 33-րդ համագումարը։
ԱՂՎԱՆԻ ՀԱՏՈՒԿ ԿԱՐԾԻՔԸ
Երեկ խմբագրություն զանգահարեց մեր գործընկեր Աղվան Վարդանյանը եւ հայտնեց, որ իսկապես հատուկ կարծիք ունի բնապահպանության նախարարություն-Ղուկասավանի գյուղապետ բանավեճում, որի մասին գրել ենք նախորդ համարում։
Աղվանի հատուկ կարծիքի էությունը հետեւյալն է. ինքն այդ գյուղում չի ծնվել։
