Պատգամավոր Վիկտոր Դալլաքյանը, արձագանքելով մեր թերթի երեկվա համարում պատգամավոր Անդրանիկ Քոչարյանի մեջբերված խոսքերին՝ ասաց, որ ինքը՝ Քոչարյանն է Բոզ գյուղից։
ՈՉԻՆՉ ՄԱՐԴԿԱՅԻՆ ԽՈՐԹ ՉԷ ՆՐԱՆ
Սոցիալական արդարության անխոնջ պաշտպան Արշակ Սադոյանին դժվար էր պատկերացնել աշխարհիկ վայելքներ ճաշակելիս։ Այս էր պատճառը, որ լրագրողները խիստ զարմացան, երբ իրենց ներկայությամբ պրն Սադոյանը մի կնոջ համբուրեց։ Ավելին, այդ կինը «Շամիրամից» էր։ Պրն Սադոյանի տիկնոջը խանդի առիթ չտալու համար պարզաբանենք, որ իր ամուսինն այդ կնոջ այտն էր ընդամենը համբուրել։ Եվ պատճառն էլ այն է, որ նա հայտարարեց, թե Արշակ Սադոյանը «Շամիրամից» է, քանզի պայծառ մարդիկ հենց այս կազմակերպությունում են։
ՆԱԽԱԳԱՀԱԿԱՆ ԸՆԾԱ
Կարդացեք նաև
«Առավոտին» վստահելի աղբյուրներից հայտնի դարձավ, որ փետրվարի 10-ին ընդունելով օլիմպիական խաղերի եռակի չեմպիոն Ալբերտ Ազարյանին եւ նրա 70-ամյակը շնորհավորելով՝ Ռոբերտ Քոչարյանը նրան «31»-ի բանալիներ էր փոխանցել։
ԱՌԱՅԺՄ ՆՇԱՆՎԱԾ ԵՆ
Երկուշաբթի «Առավոտի» խմբագրություն զանգահարեց ՀՀ նախագահի թիկնազորի ծառայող Սերգեյը եւ հայտնեց, որ ինքը եւ «Միսս ԱՊՀ» Գոհար Հարությունյանը առայժմ նշանված են, ոչ թե՝ ամուսնացած, ինչպես գրված էր մեր թերթում։ Բոլոր դեպքերում Գոհարին եւ Սերգեյին երջանկություն ենք ցանկանում։
