«Առավոտին» հայտնի է դարձել, որ Վահան Հարությունյանը միակը չէ, որն ուղղակի ցուցմունքներ է տվել Վանո Սիրադեղյանի դեմ։ Նաեւ Արմեն Տեր-Սահակյանն է ցուցմունք տվել, որ Վանո Սիրադեղյանի պատվերով է իրականացրել Ղանդիլյանի, Աշտարակի շրջգործկոմի նախագահի եւ այլ սպանություններ։
ՆԱԽԱԶԳՈՒՇԱՑՈՒՄ
«Օրագիրի» մի հրապարակման մեջ պնդումներ կային գրավյալ տարածքների թալանի վերաբերյալ։ Դատախազությունը, որ հրապարակումներին սովորաբար չի արձագանքում, այս անգամ բացատրություններ է պահանջել։ Թերթը հրաժարվել է կատարել այդ պահանջը եւ այդժամ դատախազությունն արդարադատության նախարարությանն է դիմել՝ պահանջելով թերթի գործունեությունը համապատասխանեցնել ՀՀ օրենսդրությանը։
ԳԻՄԻՇՅԱՆԻՑ ՎԱՌԵԼԻՔ ՆԵՐԿՐՈՂ ԴՈՒՐՍ ՉԵԿԱՎ
Կարդացեք նաև
Վահագն Խաչատրյանին ուղղված հարցադրման միջոցով Սոս Գիմիշյանը հետեւյալ տեղեկությունը հայտնեց, որ «Հայկական ավիաուղիները» ավիաբենզինը 300 դոլարով է գնում, մինչդեռ շուկայում այն 220 դոլար է. «Ինքս պատրաստ եմ այն ներկրել, որ պետությունը շահի մեջ խեղդվի»։ Սակայն Վահագն Խաչատրյանը սառեցրեց ընկերոջ ոգեւորությունը. «Խորհուրդ չէի տա, վտանգավոր է, գերմենաշնորհված ոլորտ է։ Անգամ Փոթի-Երեւան ամբողջ ճանապարհն են հատված առ հատված վերահսկում։ 100-ով էլ ճարես՝ քեզ պահի»։ Տեղից մեկը ռեպլիկ նետեց. «Թե չէ ինքնասպան կլինես»։