Պատասխանելով «Առավոտի» այն հարցին, թե արդյոք ժողովուրդը, Դաշնակցությունը ու անձամբ Վահան Հովհաննիսյանը բարոյական ճնշում չե՞ն գործադրել «Շամիրամի» վրա՝ որպեսզի այս կուսակցությունը նույնպես բոյկոտի ընտրությունները, այդ կուսակցության նախագահ Շողեր Մաթեւոսյանն ուղարկեց գրավոր տեքստ.
Որ հատկանիշներն են, որոնք կարող են ազդեցություն ունենալ «Շամիրամի» վրա։
1. Ինտելեկտ եւ հումոր
2. Հայերեն լեզվամտածողություն
Կարդացեք նաև
3. Հայոց պատմությունն իմանալու եւ մեկնաբանելու տրամաբանություն
4. Կյանքում որեւէ ձեռնարկ տեսանելի արդյունքի հասցրած
5. Զերծ նարցիսիզմից, թերարժեքության եւ գերարժեքության բարդույթներից, հիշողության կորստի (ամնեզիայի) բոլոր տեսակներից, սադոմազոխիստական հակումներից եւ փրկչամետ նկրտումներից։
Հ. Գ. Ի տարբերություն «Շամիրամի» սինդրոմով տառապող կուսակցությունների, «Շամիրամը» (առանց սինդրոմի) հակված է համագործակցել բարձրահասակ, քաղաքականապես գրագետ եւ բարեկիրթ քաղաքական ուժերի հետ։
Ծանուցում՝ ինչ վերաբերում է ճնշումներին, ապա «Շամիրամը» հանձն է առնում ճնշումով տառապող բոլոր քաղաքական ուժերի հիվանդության ախտորոշման եւ կարգավորման գործընթացը։
