Ի տխրություն ԱԺ պատգամավոր Ռուբեն Գեւորգյանի՝ հանրապետության վարչապետ Արամ Սարգսյանը երեկ հայտարարեց. «Մերժում եմ պարբերաբար հնչող կոչերը՝ սահմանափակել խոսքի ազատությունը, մամուլի՝ օրենսդրությամբ ամրագրված իրավունքները։ Բայց նաեւ ակնկալում եմ լրագրողներից պատասխանատվության խորը զգացում երկրի ապագայի համար»։
Բայց դժվար է ասել՝ պրն Գեւորգյանը կզսպի՞ իր հոխորտանքը մամուլի հանդեպ, թե, ինչպես ինքն է գրում.
«Քայլում եմ ես իմ ոտքերով
Եվ միշտ խոսո՜ւմ, խոսո՜ւմ, խոսո՜ւմ…»։
Կարդացեք նաև
ՎԱՏ ԼՈՒՐ
Ըստ որոշ տեղեկությունների, բժշկական համալսարանում երեկ հավաք էին անցկացրել, որտեղ ազդարարել էին, թե աջակցում ու «թեւ ու թիկունք» են կանգնում նախագահին։ Այս «ադաբրյամսը» պայմանավորված է համարվում ռեկտորներին Ռոբերտ Քոչարյանի տված հրահանգով, որը նախագահի մամուլի գրասենյակից «բացարձակ սուտ» անվանեցին։ Բժշկական համալսարանի ռեկտոր Վիլեն Հակոբյանը երեկ մի ցնցող հայտնագործությամբ էլ առանձնացավ, երբ «Արի» էկրանից փորձում էր համոզել, թե հոկտեմբերի 27-ին մարդասպանները կառավարելի դարձնող ամերիկյան ինչ-որ դեղերի ազդեցության տակ են եղել եւ նրանց մտքեր ու գործողություններ են ներշնչել։
