«ԱրմենՏելի» գլխավոր տնօրեն Կ. Խրիստոդուլիդիսը տեղեկացրեց, որ քննարկվում է սակագների փաթեթը։ Տեղական հեռախոսազանգերի համար, ասենք, Կոմիտասից Զեյթուն, կսահմանվեն սակագներ։ Այն սկզբից կներդրվի թվային համակարգով աշխատող հեռախոսակայաններում։ Սակայն, ինչպես նշեց Կ. Խրիստոդուլիդիսը, զեղչեր կսահմանվեն երեկոյան ժամերի, շաբաթ, կիրակի եւ հանգստյան օրերի համար։
ՊԱՅԹՈՒՑԻԿ ՓԱԹԵԹԻ ՏԵՐԸ ՓՆՏՐՎՈՒՄ Է
Ըստ ՆԳ փոխնախարար Հովհաննես Վարյանի, նախորդ օրը ԱԺ շենքում գտնված պայթուցիկ փաթեթի կապակցությամբ առայժմ նորություններ չկան։
Կարդացեք նաև
ՎԱՐՈՐԴԻ ԲԱՐԵԽՈՍՈՒԹՅԱՄԲ
ԱԺ-ի պահապաններն այնքան կրքոտ են կատարում իրենց գործը, որ երեկ անգամ ՆԳ նոր նախարար Հայկ Հարությունյանին են արգելել ԱԺ-ի տարածք մտնել։ Իրավիճակը հարթել է նախարարի վարորդը, որն, ի տարբերություն իր շեֆի, նոր մարդ չի եղել ԱԺ-ի դարպասները հսկող ոստիկանների համար։
ՆՎԵՐ ՁԻՈՒ ԱՏԱՄՆԵՐԸ ՉԵ՞Ն ՀԱՇՎՈՒՄ
«Առավոտը» երեկ չհաջողված փորձ արեց ՀՀ նախագահի մամուլի խոսնակ Վահե Գաբրիելյանից ճշտել, թե մեր պատվիրակության այցը Ստամբուլ երկրի բյուջեի կամ գործարարների գրպանի վրա որքան գումար կնստի։ Պրն Գաբրիելյանն այս մասին որեւէ ինֆորմացիա չուներ։
ՍՈՒՐԲ ՏԵՂԸ ԹԱՓՈՒՐ ՉԻ ՄՆԱ
«Արարատ ցեմենտ» ՊՓԲԸ տնօրեն Արամ Սարգսյանի՝ վարչապետ դառնալուց հետո գործարանի նոր տնօրեն չի նշանակվել։ Գործարանի պետական լիազոր ներկայացուցչի կողմից նշանակվել է տնօրենի պարտականությունները ժամանակավորապես կատարող, որը գործարանի գլխավոր ինժեներ Արսեն Ավագյանն է։
