Ամիսներ առաջ, երբ բաշխիչ էլցանցերի սեփականաշնորհման հարցն էր ծանրութեթեւ արվում, խորհրդարանական մի շարք խմբակցություններ, այդ թվում նաեւ ՀՅԴ խմբակցությունը, օրենսդրական նախաձեռնությամբ հանդես գալով, ԱԺ ֆինանսավարկային հանձնաժողով ներկայացրեց օրենքի նախագիծ բաշխիչ ցանցերը սեփականաշնորհման ցուցակից հանելու մասին։ Վաղուց խորհրդարանը համապատասխան որոշում է կայացրել ցանցերը սեփականաշնորհելու վերաբերյալ, բայց ՀՅԴ խմբակցության առաջարկը դեռեւս վերոհիշյալ հանձնաժողովում է։ Հետաքրքիր իրողություն կստեղծվի, եթե հանկարծ հանձնաժողովի նախագահ Վարդան Խաչատրյանը որոշի խորհրդարանի քննարկմանը ներկայացնել սույն օրենքի նախագիծը։
ՇՈՒՏՈՎ ԿՍՏԱՆԱՆՔ ՇԱՔԱՐ ԵՎ ՔԻՇՄԻՇ
ՆԳ օպերատիվ հարցերով փոխնախարար պրն Հունանյանից «Առավոտը» փորձեց ճշտել, թե ինչ ընթացքում է զինդատախազ Գ. Ջհանգիրյանի առանձնատան նկուղի պայթյունի նախաքննությունը։
Կարդացեք նաև
Հիշեցնենք, որ պրն Հունանյանն է այս գործով օպերատիվ քննչական խմբի ղեկավարը։ «Դեռեւս ռեալ բան չունեմ ասելու»,- եղավ փոխնախարարի պատասխանը։
«Առավոտը» պարզեց նաեւ, որ դեռեւս գործով կասկածյալներ չկան։
ԲՈՒԺԱԿԸ ՀԱՑԱԴՈՒԼ Է ՀԱՅՏԱՐԱՐԵԼ
«Հանրապետական հակատուբերկուլյոզային դիսպանսեր» ՊՓԲԸ-ի գլխավոր բուժակ Լյովա Կարապետյանը հացադուլ է հայտարարել։ Իշխանությունները խոստացել են մարել դիսպանսերի աշխատակիցներին ունեցած պարտքերը։
