Պետական եկամուտների նախարար Գագիկ Պողոսյանի ժողինստիտուտում սովորող որդին անցած կիսամյակում չի հաճախել դասերին եւ 3 անգամ չի գնացել քննության։ Վերջապես 4-րդ անգամ մասնակցելով՝ երկուս է ստացել։ Ժողինստիտուտի ռեկտորը հանձնաժողովի միջոցով նրան թույլատրել է նորից հանձնել այդ քննությունը։ Ինչպես հարկատուներին էր պրն Պողոսյանը խոստանում զրկել հանգիստ քնից՝ թերեւս անցած գիշեր ինքն էլ անխռով քնած չի լինի, քանի որ հենց այսօր է իր որդին քննական 5-րդ փորձը ձեռնարկելու։
«ԳԼԱԴԻԱՏՈՐԸ» ԵԿՄ-ԻՆ ՈԳԵՇՆՉԵԼՈ՞Ւ ԷՐ
ԱԺ «Հայաստան» խմբի պատգամավոր Հակոբ Հակոբյանը ԵԿՄ կուլտմասսավիկ է դարձել։ Օրերս նա «Մոսկվա» կինոթատրոնի վերանորոգված դահլիճում ցուցադրվող «Գլադիատոր» ֆիլմի ավելի քան մեկ տասնյակ տոմս է գնել։ Ֆիլմը դիտելու են գնացել ԱԺ «Հայաստան» խմբի պատգամավորները, ԵԿՄ մի քանի տարածքային կազմակերպության ղեկավարներ եւ պարզապես երկրապահներ։ Չգիտեմ, հանրապետության նախագահ Քոչարյանն այս ֆիլմը դիտելուց ի՞նչ տպավորություն է ստացել, բայց երկրապահներից ոմանց կարծիքով, ֆիլմում ներկայացված պատմական ժամանակաշրջանն ու հատկապես Հուլիոս Կեսարի սպանությունը շատ նման են Հայաստանի այսօրվա իրավիճակին եւ Վ.Սարգսյանի սպանությանը։ Երկրապահները կինոդիտումը կազմակերպել են, թերեւս, Գլադիատորի կերպարով ոգեշնչվելու սուրբ նպատակով։ Նրանք դեռ ընդունա՞կ են ոգեշնչվելու, թե՞ ոչ՝ հարց է։
Կարդացեք նաև
«ԲՐԱԶԻԼԱԿԱՆ ՇՊԻՈՆԸ»՝ ԱՐՑԱԽՈՒՄ
«Մանուկ, ի՞նչ ես անում, նե՛րս արի» հարցին ի պատասխան ԱԺ պատգամավոր Մանուկ Գասպարյանն ասաց, թե ինքն ուսումնասիրում է դահլիճի դուրսը՝ շրջակայքը։ «Դու հո բրազիլական շպիոն չե՞ս Արցախում»,- նկատեց ԱԺ մեկ այլ պատգամավոր՝ Գագիկ Կոստանդյանը։
