ՀԱԿԱԷՍԹԵՏԻԿԱԿԱՆ ԱՌՎԱԿ Սա շինհրապարակ չէ, եւ ոչ էլ կտտանքների համար նախատեսված տարածք։ Թեեւ առաջին հայացքից հենց այդպիսի տպավորություն է թողնում՝ վեր խոյացած սուր-սուր ցցեր, ժայռաբեկորներ ու ավազաբլուրներ։ Սա ընդամենը Գետառի՝ համալսարանի հարեւանությամբ գտնվող հատվածն է։ Թեեւ, ինչ խոսք, այն ոչ գետի է նման, ոչ էլ նույնիսկ առվի, լավագույն դեպքում հիշեցնում է ճահճացող աղբավայր։ Ու այս «աչք ու քիթ շոյող» տեսարանը տուրիստների 300 հազարանոց բանակ ընդունելու պատրաստվող մայրաքաղաքի կենտրոնում է, երեւանցիների սիրելի զբոսայգու մարդաշատ հատվածում։ Եվ այսպես, արդեն երկու (եթե ոչ ավելի) տարի։ Գուցե պատմության էջերում Ռոբերտ Նորարար կոչվելու իրավունքի համար պայքարող քաղաքապետը իր՝ աչքի ընկնելու համար արած նորարարաշինարարական գործերի ցուցակում հերթական «պտիչկան» դնելու նպատակով գոնե զբաղվի այս հարցով։ Մ. Բ.
