![\"\"](\"https://www.aravot.am/2009/aravot_arm/January/22/p17.jpg\")
«Հայաստան» համահայկական հիմնադրամից տեղեկացնում են, որ հիմնադրամի Մոնրեալի տեղական մարմնի հովանավորությամբ 32 միլիոն դրամով կառուցվել եւ շահագործման է հանձնվել Լոռվա մարզի Ապավեն գյուղի ջրատարը: Նորակառույց ջրամբարից խմելու ջուրը գյուղ է հասնում 620 մ արտաքին գծով, որին կից կառուցվել է նաեւ ջրամատակարարման 1200 մ ներքին ցանց: Այս ջրատարի շնորհիվ գյուղի յուրաքանչյուր տան ծորակից արդեն հոսում է լեռնային աղբյուրի մաքուր ջուր:
Ծովի մակարդակից 1650 մ բարձրության վրա գտնվող Ապավեն գյուղում ապրում է 30 ընտանիք: Գյուղի խմելու ջուրը տարիներ շարունակ ապահովել է համայնքի հին ջրագիծը, որը մաշվածության պատճառով ամբողջովին շարքից դուրս էր եկել:
